ਅੰਡਰ ਪੁਲ ਦੀ ਉਸਾਰੀ ਸ਼ੁਰੂ

ਰਾਮਾਂ ਮੰਡੀ, 24 ਨਵੰਬਰ (ਤਰਸੇਮ ਸਿੰਗਲਾ)-ਸਥਾਨਕ ਰਾਮਸਰਾ ਰੇਲਵੇ ਫਾਟਕ 'ਤੇ ਰਿਫ਼ਾਇਨਰੀ ਵਿਚ ਆਵਾਜਾਈ ਦੇ ਭਾਰੀ ਵਾਹਨਾਂ ਕਾਰਨ ਲੰਬਾ ਸਮਾਂ ਲੱਗਦੇ ਜਾਮ ਦੀ ਸਮੱਸਿਆ ਨੂੰ ਦੇਖਦੇ ਹੋਏ ਅਤੇ ਲੋਕਾਂ ਦੀ ਮੰਗ 'ਤੇ ਰੇਲਵੇ ਵਿਭਾਗ ਵਲੋਂ ਬਾਈਪਾਸ ਰੋਡ ਤੋਂ ਰੇਲ ਲਾਈਨ ਥੱਲੋਂ ਦੀ ਅੰਡਰ ਪੁੱਲ ਦੀ ਉਸਾਰੀ ਸ਼ੁਰੂ ਕਰ ਦਿੱਤੀ ਗਈ ਹੈ | ਉਸਾਰੀ ਦੇ ਠੇਕੇਦਾਰ ਨੇ ਦੱਸਿਆ ਕਿ ਪੁੱਲ ਦੀ ਉਸਾਰੀ ਨਾਲ ਲੋਕਾਂ ਨੂੰ ਰਾਮਸਰਾ ਫਾਟਕ 'ਤੇ ਲੱਗਦੇ ਵਾਹਨਾਂ ਦੇ ਜਾਮ ਤੋਂ ਨਿਜ਼ਾਤ ਮਿਲ ਜਾਵੇਗੀ | ਤੇਲੂ ਰਾਮ ਲੈਹਰੀ ਐਮ. ਸੀ. ਅਤੇ ਰਾਮਾਂ ਵਪਾਰ ਮੰਡਲ ਦੇ ਪ੍ਰਧਾਨ ਮਹੇਸ਼ ਕੁਮਾਰ ਬਿੰਦਲ ਨੇ ਨੇ ਪੁੱਲ ਦੀ ਉਸਾਰੀ ਸ਼ੁਰੂ ਕਰਨ ਲਈ ਰੇਲ ਵਿਭਾਗ ਦਾ ਧੰਨਵਾਦ ਕੀਤਾ ਹੈ |