ਸੀਓਪੀਡੀ ਏਡਜ਼, ਟੀਬੀ, ਮਲੇਰੀਆ ਅਤੇ ਸ਼ੂਗਰ ਤੋਂ ਵੱਧ ਮੌਤਾਂ ਦਾ ਕਾਰਨ - ਡਾ: ਬਲਵਿੰਦਰ ਕੁਮਾਰ <br/>
Ad Position 21
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
ਅਜੀਤ ਡੈਸਕ
29-12-2025
ਪਲਮੋਨੋਲੋਜੀ ਕੰਸਲਟੈਂਟ ਡਾ: ਅਪਾਰਜੋਤ ਬਰਾੜ ਪਾਰਕ ਹਸਪਤਾਲ ਨੇ ਕਿਹਾ ਕਿ ਸੀਓਪੀਡੀ ਭਾਰਤ ਵਿਚ ਲਗਭਗ 63 ਮਿਲੀਅਨ ਲੋਕਾਂ ਨੂੰ ਪ੍ਰਭਾਵਿਤ ਕਰਦਾ ਹੈ, ਜੋ ਕਿ ਵਿਸ਼ਵ ਦੀ ਸੀਓਪੀਡੀ ਆਬਾਦੀ ਦਾ ਲਗਭਗ 32 ਪ੍ਰਤੀਸ਼ਤ ਹੈ | ਦੁਨੀਆ ਭਰ ਵਿਚ ਦਿਲ ਦੀਆਂ ਸਮੱਸਿਆਵਾਂ ਅਤੇ ਕੈਂਸਰ ਤੋਂ ਬਾਅਦ ਇਸ ਦਾ ਤੀਜਾ ਸਭ ਤੋਂ ਵੱਡਾ ਮੌਤ ਦਾ ਕਾਰਨ ਹੈ | ਇਹ ਏਡਜ਼, ਟੀਬੀ, ਮਲੇਰੀਆ ਅਤੇ ਸ਼ੂਗਰ ਤੋਂ ਵੱਧ ਮੌਤਾਂ ਦਾ ਕਾਰਨ ਹੈ | ਕੰਸਲਟੈਂਟ-ਇੰਟਰਨਲ ਮੈਡੀਸਨ ਡਾ: ਬਲਵਿੰਦਰ ਕੁਮਾਰ ਨੇ ਦੱਸਿਆ ਕਿ ਭਾਰਤ ਵਿਚ ਸੀਓਪੀਡੀ ਦਾ ਪ੍ਰਸਾਰ ਲਗਭਗ 5.5 ਤੋਂ 7.55 ਪ੍ਰਤੀਸ਼ਤ ਹੈ ਅਤੇ ਹਾਲ ਹੀ ਦੇ ਅਧਿਐਨਾਂ ਤੋਂ ਪਤਾ ਚਲਦਾ ਹੈ ਕਿ ਪੁਰਸ਼ਾਂ ਵਿਚ ਸੀਓਪੀਡੀ ਦਾ ਪ੍ਰਸਾਰ ਦਰ ਮਰਦਾਂ ਵਿਚ 22 ਪ੍ਰਤੀਸ਼ਤ ਅਤੇ ਔਰਤਾਂ ਵਿਚ 19 ਪ੍ਰਤੀਸ਼ਤ ਤੱਕ ਹੈ | ਡਾ: ਕਮਲਦੀਪ ਸਿੰਘ ਸੋਢੀ ਨੇ ਸਾਂਝਾ ਕੀਤਾ ਕਿ ਸੀਓਪੀਡੀ ਦਾ ਕੋਈ ਸਥਾਈ ਇਲਾਜ ਨਹੀਂ ਹੈ, ਪਰ ਵਧੇਰੇ ਨੁਕਸਾਨ ਨੂੰ ਰੋਕਣ ਅਤੇ ਜੀਵਨ ਦੀ ਗੁਣਵੱਤਾ ਵਿਚ ਸੁਧਾਰ ਕਰਨ ਲਈ ਇਲਾਜ ਦੇ ਵਿਕਲਪ ਉਪਲਬਧ ਹਨ | ਡਾ: ਅਮਰਜੀਤ ਸਿੰਘ ਨੇ ਕਿਹਾ ਕਿ ਜਿਵੇਂ-ਜਿਵੇਂ ਤਾਪਮਾਨ ਘਟਦਾ ਹੈ, ਸੀਓਪੀਡੀ ਵਾਲੇ ਲੋਕਾਂ ਨੂੰ ਬਿਮਾਰੀ ਦਾ ਖ਼ਤਰਾ ਵਧੇਰੇ ਹੁੰਦਾ ਹੈ | ਠੰਢੇ ਮੌਸਮ ਦੌਰਾਨ ਲੱਛਣ ਵਧੇਰੇ ਵਿਗੜ ਜਾਂਦਾ ਹੈ | ਫੇਫੜਿਆਂ 'ਤੇ ਠੰਢੇ ਮੌਸਮ ਦੇ ਪ੍ਰਭਾਵ ਬਹੁਤ ਜ਼ਿਆਦਾ ਹੋ ਸਕਦੇ ਹਨ ਅਤੇ ਠੰਢੇ ਵਾਤਾਵਰਣ ਦੇ ਗੰਭੀਰ ਸੰਪਰਕ ਸਾਹ ਪ੍ਰਣਾਲੀ ਵਿਚ ਨਾਟਕੀ ਤਬਦੀਲੀਆਂ ਦਾ ਕਾਰਨ ਬਣਦੇ ਹਨ | ਜੇ ਕੋਈ ਸੀਓਪੀਡੀ ਮਰੀਜ਼ ਕੋਵਿਡ ਦਾ ਵਿਕਾਸ ਕਰਦਾ ਹੈ, ਤਾਂ ਇਹ ਜਾਨਲੇਵਾ ਹੋ ਸਕਦਾ ਹੈ | ਸੀਓਪੀਡੀ ਦੇ ਜੋਖ਼ਮ ਦੇ ਕਾਰਕ : ਬਚਪਨ ਵਿਚ ਸਾਹ ਦੀ ਲਾਗ ਦਾ ਇਤਿਹਾਸ, ਕੋਲੇ ਜਾਂ ਲੱਕੜ ਦੇ ਸਟੋਵ ਤੋਂ ਧੂੰਏਾ ਦੇ ਸੰਪਰਕ ਵਿਚ ਆਉਣਾ, ਦਮੇ ਦੇ ਇਤਿਹਾਸ ਵਾਲੇ ਲੋਕ, ਉਮਰ 40 ਸਾਲ ਤੋਂ ਵੱਧ | ਸੀਓਪੀਡੀ ਦੇ ਲੱਛਣ ਅਤੇ ਚਿੰਨ੍ਹ : ਪੁਰਾਣੀ ਖੰਘ ਜੋ ਸਾਫ਼, ਚਿੱਟਾ, ਪੀਲਾ ਜਾਂ ਹਰਾ ਬਲਗ਼ਮ ਪੈਦਾ ਕਰ ਸਕਦੀ ਹੈ, ਵਾਰ-ਵਾਰ ਸਾਹ ਦੀ ਲਾਗ, ਅਚਾਨਕ ਭਾਰ ਘਟਣਾ, ਸਾਹ ਲੈਣ ਵਿਚ ਤਕਲੀਫ਼ ਆਦਿ ਹਨ |
