ਅਕਸਰ ਅਸੀਂ ਦੇਖਦੇ ਹਾਂ ਕਿ ਨਮੀ ਤੇ ਠੰਢ ਵਾਲੇ ਸਮੇਂ ਮੌਕੇ ਰੁੱਖਾਂ ਵਿਚ ਖੁੰਬਾਂ ਉੱਗ ਆਉਂਦੀਆਂ ਹਨ। ਇਹ ਜੜ੍ਹਾਂ ਵਿਚ ਵੀ ਹੁੰਦੀਆਂ ਤੇ ਰੁੱਖ ਦੇ ਤਣੇ ਉੱਤੇ ਵੀ ਹੁੰਦੀਆਂ ਹਨ। ਇਸ ਦਾ ਮੁੱਖ ਕਾਰਨ ਹੈ ਕਿ ਰੁੱਖ ਦੇ ਵਿਚ ਕਿਸੇ ਬਿਮਾਰੀ ਨਾਲ ਦਰਾੜ ਪੈਦਾ ਹੋ ਜਾਂਦੀ ਹੈ ਅਤੇ ਖੁੰਬਾਂ ਦੇ ਕਣ ਇਸ ਵਿਚ ਜਨਮ ਲੈ ਲੈਂਦੇ ਹਨ, ਜਿਸ ਨਾਲ ਇਹ ਖੁੰਬਾਂ ਬਣ ਜਾਂਦੀਆਂ ਹਨ। ਕਈ ਵਾਰੀ ਇਨ੍ਹਾਂ ਦਾ ਆਕਾਰ ਬਹੁਤ ਵੱਡਾ ਹੋ ਜਾਂਦਾ ਹੈ। ਪਿੰਡਾਂ ਵਿਚ ਇਨ੍ਹਾਂ ਨੂੰ ਆਮ ਤੌਰ 'ਤੇ ਪਦ-ਪਦੇੜੇ ਵੀ ਕਹਿੰਦੇ ਹਨ। ਜਿਸ ਬਾਗ ਵਿਚ ਇਨ੍ਹਾਂ ਦੀ ਗਿਣਤੀ ਵਧ ਜਾਵੇ, ਉੱਥੇ ਇਹ ਸੋਚਣ ਦੀ ਲੋੜ ਹੈ ਕਿ ਕਿਤੇ ਬਾਗ ਵਿਚ ਰੁੱਖਾਂ ਨੂੰ ਕੋਈ ਬਿਮਾਰੀ ਤਾਂ ਨਹੀਂ ਪੈ ਗਈ। ਇਹ ਖੁੰਬਾਂ ਖਾਣ ਯੋਗ ਨਹੀਂ ਹੁੰਦੀਆਂ ਤੇ ਇਹ ਵੀ ਹੋ ਸਕਦਾ ਹੈ ਕਿ ਇਹ ਜ਼ਹਿਰੀਲੀਆਂ ਹੋਣ। ਇਸ ਲਈ ਇਨ੍ਹਾਂ ਨੂੰ ਰੁੱਖ ਤੋਂ ਕੱਟ ਦੇਣਾ ਚਾਹੀਦਾ ਹੈ। ਬਾਕੀ ਬਾਗਵਾਨੀ ਵਾਲਿਆਂ ਨਾਲ ਸਲਾਹ ਕਰਕੇ ਬਾਗ ਦੇ ਵਿਚ ਰੁੱਖਾਂ ਨੂੰ ਫੈਲੀ ਹੋਈ ਬਿਮਾਰੀ ਦਾ ਵੀ ਪਤਾ ਕਰਕੇ ਉਸ ਦਾ ਇਲਾਜ ਕਰਨ ਦੀ ਲੋੜ ਹੁੰਦੀ ਹੈ।
-ਮੋਬਾ: 98159-45018
janmeja@gmail.com
