ਪੱਛਮੀ ਰੂਸ ਵਿਚ ਧਮਾਕਿਆਂ ਕਾਰਨ 2 ਪੁਲ ਢਹੇ, 7 ਲੋਕਾਂ ਦੀ ਮੌਤ

ਮਾਸਕੋ, 1 ਜੂਨ (ਏਜੰਸੀ)-ਪੱਛਮੀ ਰੂਸ ਵਿਚ ਰਾਤ ਹੋਏ ਧਮਾਕਿਆਂ ਕਾਰਨ ਦੋ ਪੁਲ ਢਹਿ ਗਏ ਤੇ ਦੋ ਰੇਲਗੱਡੀਆਂ ਪਟੜੀ ਤੋਂ ਉੱਤਰ ਗਈਆਂ | ਇੱਕ ਘਟਨਾ ਵਿਚ, ਸੱਤ ਲੋਕ ਮਾਰੇ ਗਏ ਤੇ ਦਰਜਨਾਂ ਜ਼ਖ਼ਮੀ ਹੋ ਗਏ | ਯੂਕਰੇਨ ਦੀ ਸਰਹੱਦ 'ਤੇ ਬ੍ਰਾਇਨਸਕ ਖੇਤਰ ਵਿਚ ਪਹਿਲਾ ਪੁਲ ਇੱਕ ਯਾਤਰੀ ਰੇਲਗੱਡੀ ਦੇ ਉੱਪਰ ਡਿੱਗ ਗਿਆ, ਜਿਸ ਕਾਰਨ ਹੋਏ ਜਾਨੀ ਨੁਕਸਾਨ 'ਚ 7 ਲੋਕਾਂ ਦੀ ਮੌਤ ਹੋ ਗਈ | ਅਧਿਕਾਰੀਆਂ ਨੇ ਕਿਹਾ ਕਿ ਯੂਕਰੇਨ ਦੀ ਸਰਹੱਦ ਨਾਲ ਲੱਗਦਾ ਪੁਲ ਧਮਾਕਿਆਂ ਕਾਰਨ ਨੇੜਲੇ ਕੁਰਸਕ ਖੇਤਰ ਵਿਚ ਡਿੱਗ ਗਿਆ ਤੇ ਦੂਜੀ ਰੇਲਗੱਡੀ ਪਟੜੀ ਤੋਂ ਉੱਤਰ ਗਈ, ਪਰ ਮਾਲ ਗੱਡੀ ਹੋਣ ਕਾਰਨ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ |