ਕੈਲਗਰੀ, 5 ਸਤੰਬਰ (ਜਸਜੀਤ ਸਿੰਘ ਧਾਮੀ)-ਕੈਲਗਰੀ ਨਗਰ ਕੌਸਲ ਦੀ ਮੌਜੂਦਾ ਮੇਅਰ ਜੋਤੀ ਗੌਂਡੇਕ ਨੇ ਕੈਲਗਰੀ ਸ਼ਹਿਰ 'ਚ ਦੁਬਾਰਾ ਮੇਅਰ ਦੀ ਚੋਣ ਲੜਨ ਦਾ ਐਲਾਨ ਕਰ ਦਿੱਤਾ ਹੈ | ਅੱਜ ਆਪਣੀ ਚੋਣ ਮੁਹਿੰਮ ਦੀ ਸ਼ੁਰੂਆਤ ਕਰਦਿਆਂ ਉਨ੍ਹਾਂ ਕਿਹਾ ਕਿ ਇਸ ਵਾਰ ਮੇਰੀ ਸਭ ਤੋਂ ਪਹਿਲੀ ਕੰਮਾਂ ਦੀ ਸ਼ੁਰੂਆਤ ਕਮਿਉਨਟੀ ਤੇ ਕੋਰਟ ਨਾਲ ਭਾਈਵਾਲੀ ਕਰਕੇ ਖੁੱਲੇ੍ਹਆਮ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਨੂੰ ਖ਼ਤਮ ਕਰਨਾ ਹੋਵੇਗਾ | ਜੇਕਰ ਸਾਡੀਆਂ ਗਲੀਆਂ ਅਸੁਰੱਖਿਅਤ ਹਨ, ਜੇਕਰ ਕਾਰੋਬਾਰ ਬੰਦ ਹਨ ਤੇ ਜੇਕਰ ਪਰਿਵਾਰ ਸਾਡੇ ਸ਼ਹਿਰ ਤੋਂ ਦੂਰ ਰਹਿੰਦੇ ਹਨ, ਉਹ ਸੁਰੱਖਿਅਤ ਮਹਿਸੂਸ ਨਹੀ ਕਰਦੇ ਹਨ, ਤਾਂ ਸਾਡਾ ਸ਼ਹਿਰ ਤਰੱਕੀ ਨਹੀ ਕਰ ਸਕਦਾ | ਇਥੇ ਦੱਸਣਯੋਗ ਹੈ ਕਿ ਜੋਤੀ ਗੌਂਡੇਕ ਜੋ ਕੀ ਪੰਜਾਬੀ ਮੂਲ ਨਾਲ ਸਬੰਧ ਰੱਖਦੀ ਹੈ ਪਰ ਉਨ੍ਹਾਂ ਤੋਂ ਇਲਾਵਾ ਹੋਰ ਅਜੇ ਤੱਕ 4 ਮੇਅਰ ਦੀ ਚੋਣ ਲੜਨ ਦੇ ਉਮੀਦਵਾਰ ਮੈਦਾਨ 'ਚ ਹਨ |