ਕਾਲਾਂਵਾਲੀ/ਸਿਰਸਾ, 23 ਨਵੰਬਰ (ਭੁਪਿੰਦਰ ਪੰਨੀਵਾਲੀਆ)- ਝੋਰੜ ਖਾਪ ਦੇ ਰਾਸ਼ਟਰੀ ਪ੍ਰਧਾਨ ਵਿਨੋਦ ਝੋਰੜ ਆਪਣੇ ਸਾਥੀਆਂ ਨਾਲ ਇਨੈਲੋ ਕਾਲਾਂਵਾਲੀ ਹਲਕਾ ਪ੍ਰਧਾਨ ਜਸਵਿੰਦਰ ਸਿੰਘ ਬਿੰਦੂ ਦੇ ਘਰ ਕੁਰੰਗਾਂਵਾਲੀ ਪਿੰਡ ਦੇ ਫਾਰਮ ਹਾਊਸ 'ਤੇ ਪਹੁੰਚੇ | ਉਨ੍ਹਾਂ ਨੇ ਹੋਣਹਾਰ ਧੀ ਡਾ. ਸਿਮਰਨ ਕੌਰ ਝੋਰੜ ਨੂੰ ਉਸਦੀ ਪ੍ਰਾਪਤੀ ਲਈ ਦਿਲੋਂ ਵਧਾਈ ਅਤੇ ਆਸ਼ੀਰਵਾਦ ਦਿੱਤਾ | ਚੇਤੇ ਰਹੇ ਕਿ ਡਾ. ਸਿਮਰਨ ਕੌਰ ਨੇ ਪੀਜੀਆਈਐਮ ਰੋਹਤਕ ਤੋਂ ਵਿਸ਼ੇਸ਼ ਤੌਰ 'ਤੇ ਐਮਬੀਬੀਐਸ ਦੀ ਪੜ੍ਹਾਈ ਪੂਰੀ ਕਰਕੇ ਪੂਰੇ ਝੋਰੜ ਸਮਾਜ ਦਾ ਮਾਣ ਵਧਾਇਆ ਹੈ | ਇਸ ਖੁਸ਼ੀ ਦੇ ਮੌਕੇ 'ਤੇ, ਵਿਨੋਦ ਝੋਰੜ ਨੇ ਐਲਾਨ ਕੀਤਾ ਕਿ ਜਲਦੀ ਹੀ ਝੋਰੜ ਖਾਪ ਇਸ ਪ੍ਰਾਪਤੀ ਲਈ ਉਸਨੂੰ ਵਿਸ਼ੇਸ਼ ਤੌਰ 'ਤੇ ਸਨਮਾਨਿਤ ਕਰੇਗਾ, ਜਿਸ ਨਾਲ ਭਾਈਚਾਰੇ ਵਿੱਚ ਉੱਚ ਸਿੱਖਿਆ ਪ੍ਰਾਪਤ ਕਰਨ ਵਾਲੀਆਂ ਹੋਰ ਧੀਆਂ ਨੂੰ ਪ੍ਰੇਰਿਤ ਕੀਤਾ ਜਾਵੇਗਾ | ਪਿੰਡ ਕੁਰਗਾਂਵਾਲੀ ਪਹੁੰਚਣ 'ਤੇ ਜਸਬਿੰਦਰ ਸਿੰਘ ਬਿੰਦੂ ਅਤੇ ਸਾਬਕਾ ਸਰਪੰਚ ਇਕਬਾਲ ਸਿੰਘ ਨੇ ਝੋਰੜ ਖਾਪ ਦੇ ਪ੍ਰਧਾਨ ਵਿਨੋਦ ਝੋਰੜ ਦਾ ਸਵਾਗਤ ਕੀਤਾ | ਇਸ ਮੌਕੇ ਸੁਭਾਸ਼ ਝੋਰੜ, ਨਿਰਮਲ ਸਿੰਘ ਅਤੇ ਜਗਜੀਤ ਸਿੰਘ ਵੀ ਮੌਜੂਦ ਸਨ |
