ਰਤੀਆ, 21 ਦਸੰਬਰ (ਬੇਅੰਤ ਕੌਰ ਮੰਡੇਰ)- ਲਾਇਨਜ਼ ਕਲੱਬ ਰਤੀਆ ਸਿਟੀ ਵਲੋਂ ਸੰਜੇ ਗਾਂਧੀ ਚੌਕ ਵਿਖੇ ਰਿਫਲੈਕਟਰ ਕੈਂਪ ਦਾ ਆਯੋਜਨ ਕੀਤਾ | ਇਸ ਕੈਂਪ 'ਚ ਹਾਦਸਿਆਂ ਨੂੰ ਰੋਕਣ ਲਈ ਸਾਰੇ ਲੰਘਦੇ ਵਾਹਨਾਂ 'ਤੇ ਰਿਫਲੈਕਟਰ ਲਗਾਏ ਗਏ | ਇਸ ਮੌਕੇ ਪ੍ਰਧਾਨ ਹਰਵੀਰ ਜੋੜਾ ਅਤੇ ਮੈਂਬਰਾਂ ਨੇ ਮੁੱਖ ਮਹਿਮਾਨਾਂ, ਜਿਲ੍ਹਾ ਗਵਰਨਰ ਵਿਸ਼ਾਲ ਵਡੇਰਾ, ਲਾਇਨ ਸੰਜੇ ਗਾਂਧੀ, ਲਾਇਨ ਮਹੇਸ਼ ਬਾਂਸਲ ਅਤੇ ਐਲ.ਸੀ.ਆਈ.ਐਫ ਕੋਆਰਡੀਨੇਟਰ ਹਰਦੀਪ ਸਰਕਾਰੀਆ ਦਾ ਸਵਾਗਤ ਕੀਤਾ | ਐਸ.ਐਚ.ਓ ਪੁਸ਼ਪਾ ਸਿਹਾਗ ਨੇ ਡਰਾਈਵਰਾਂ ਅਤੇ ਹੋਰਾਂ ਨੂੰ ਧੁੰਦ ਕਾਰਨ ਸਾਵਧਾਨੀ ਨਾਲ ਗੱਡੀ ਚਲਾਉਣ ਅਤੇ ਹਾਦਸਿਆਂ ਤੋਂ ਬਚਣ ਲਈ ਟਰੈਫਿਕ ਨਿਯਮਾਂ ਦੀ ਪਾਲਣਾ ਕਰਨ ਦੀ ਅਪੀਲ ਕੀਤੀ | ਪ੍ਰਧਾਨ ਹਰਵੀਰ ਜੋੜਾ ਨੇ ਕਿਹਾ ਕਿ ਰਿਫਲੈਕਟਰ ਮੁਹਿੰਮ ਇੱਕ ਮਹੱਤਵਪੂਰਨ ਪਹਿਲਕਦਮੀ ਹੈ ਜੋ ਸੜਕ ਸੁਰੱਖਿਆ ਨੂੰ ਉਤਸ਼ਾਹਿਤ ਕਰਨ 'ਚ ਮਦਦ ਕਰ ਰਹੀ ਹੈ | ਜਿਲ੍ਹਾ ਲਾਇਨ ਪ੍ਰਧਾਨ ਗੋਪਾਲਚੰਦ ਕੁਲਰੀਆ, ਜੌਹਨ ਪ੍ਰਧਾਨ ਪ੍ਰਦੀਪ ਬਾਂਸਲ, ਲਾਇਨ ਪ੍ਰਧਾਨ ਹਰਵੀਰ ਜੋੜਾ, ਐਡਵੋਕੇਟ ਅਮੀਰ ਤਨੇਜਾ, ਰਾਜ ਕੁਮਾਰ ਅਰੋੜਾ, ਖੇਮ ਚੰਦ ਮੋਂਗਾ, ਸ਼ਿੰਕੂ ਅਰੋੜਾ, ਰਾਜਕੁਮਾਰ ਖੰਡੂ, ਡਿੰਪਲ, ਰਾਮ ਗੋਪਾਲ, ਡਾ. ਨਰੇਸ਼ ਜਿੰਦਲ, ਜੀਵਨ ਰਹੇਜਾ ਆਦਿ ਹਾਜਰ ਸਨ |
