ਜਲੰਧਰ, 31 ਅਗਸਤ (ਅ.ਬ.)- ਸੇਂਟ ਸੋਲਜਰ ਮੈਨੇਜਮੈਂਟ ਐਂਡ ਟੈਕਨੀਕਲ ਇੰਸਟੀਚਿਊਟ ਕਪੂਰਥਲਾ ਰੋਡ ਵਲੋਂ ਸਪੋਰਟਸ ਮੀਟ ਕਰਵਾਈ ਗਈ | ਪ੍ਰੋਗਰਾਮ ਵਿੱਚ ਰਿਲੇਅ ਰੇਸ, ਟਗ ਆਫ਼ ਵਾਰ, ਥ੍ਰੀ-ਲੈਗਡ ਰੇਸ, ਲੈਮਨ ਰੇਸ ਤੇ ਸੈਕ ਰੋਸ ਵਰਗੇ ਦਿਲਚਸਪ ਮੁਕਾਬਲੇ ਸ਼ਾਮਲ ਸਨ | ਟਗ ਆਫ਼ ਵਾਰ ਤੇ ਰੀਲੇਅ ਰੇਸ ਵਰਗੇ ਸਮਾਗਮਾਂ ਨੇ ਮੁਕਾਬਲੇ ਦੀ ਭਾਵਨਾ ਨੂੰ ਉਜਾਗਰ ਕੀਤਾ, ਜਦੋਂ ਕਿ ਲੈਮਨ ਐਂਡ ਸੈਕ ਰੇਸ ਵਰਗੇ ਮਜ਼ੇਦਾਰ ਖੇਡਾਂ ਨੇ ਮੀਟ 'ਚ ਖੁਸ਼ੀ ਤੇ ਮਨੋਰੰਜਨ ਜੋੜਿਆ ਤੇ ਜੇਤੂਆਂ ਨੂੰ ਤਗਮੇ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਪਿ੍ੰਸੀਪਲ ਡਾ. ਰੋਹਨ ਸ਼ਰਮਾ ਨੇ ਕਿਹਾ ਕਿ ਇਸ ਸਪੋਰਟਸ ਈਵੈਂਟ ਨਾਲ ਵਿਦਿਆਰਥੀਆਂ ਨੂੰ ਅਕਾਦਮਿਕ ਪੜ੍ਹਾਈ ਤੋਂ ਤਾਜ਼ਗੀ ਭਰਿਆ ਬ੍ਰੇਕ ਮਿਲਿਆ | ਚੇਅਰਮੈਨ ਅਨਿਲ ਚੋਪੜਾ ਤੇ ਵਾਈਸ ਚੇਅਰਪਰਸਨ ਸੰਗੀਤਾ ਚੋਪੜਾ ਨੇ ਵਿਦਿਆਰਥੀਆਂ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ |
