ਫਿਲੌਰ, 4 ਸਤੰਬਰ (ਗੈਰੀ)-ਹਿਮਾਚਲ ਪ੍ਰਦੇਸ਼ ਅੰਦਰ ਲਗਾਤਾਰ ਹੋ ਰਹੀ ਵਾਰਸ਼ ਕਾਰਨ ਪਿਛਲੇ ਕਈ ਦਿਨਾ ਤੋਂ ਸੂਬੇ 'ਚ ਹੜ੍ਹਾਂ ਦੀ ਸਥਿਤੀ ਬਣੀ ਹੋਈ ਹੈ ਤੇ ਲਗਾਤਾਰ ਡੈਮਾਂ ਵਲੋਂ ਛੱਡਿਆ ਜਾ ਰਿਹਾ ਪਾਣੀ ਪੰਜਾਬ ਅੰਦਰ ਵੱਡੀ ਪੱਧਰ ਤੇ ਤਬਾਹੀ ਮਚਾ ਰਿਹਾ ਹੈ | ਮੌਜੂਦਾ ਨਾਜ਼ੁਕ ਸਥਿਤੀ ਨੂੰ ਲੈ ਕਿ ਪੰਜਾਬ ਭਾਜਪਾ ਪੰਚਾਇਤੀ ਸੈੱਲ ਦੇ ਸਕੱਤਰ ਅਤੇ ਪ੍ਰਸਿੱਧ ਮਿਊਜ਼ਿਕ ਡਰਾਇਕਟਰ ਡੀ.ਐਰੀ ਅੱਪਰਾ ਨੇ ਚਿੰਤਾ ਜ਼ਾਹਿਰ ਕਰਦਿਆਂ ਕਿਹਾ ਕਿ ਹੜ੍ਹਾਂ ਦੀ ਸਥਿਤੀ ਨਾਲ ਨਜਿੱਠਣ ਲਈ ਸੂਬਾ ਸਰਕਾਰ ਪੁਖ਼ਤਾ ਪ੍ਰਬੰਧ ਕਰੇ ਕਿਉਂਕਿ ਪਿਛਲੇ ਕਈ ਦਿਨਾ ਤੋਂ ਪਹਿਲਾ ਦਰਿਆ ਬਿਆਸ ਨੇ ਮਾਝੇ ਅੰਦਰ ਵੱਡਾ ਨੁਕਸਾਨ ਕੀਤਾ ਤੇ ਹੁਣ ਦਰਿਆ ਸਤਲੁਜ ਅੰਦਰ ਵਗ ਰਿਹਾ ਲੱਖਾਂ ਕਿਊਸਿਕ ਪਾਣੀ ਦੁਆਬੇ ਨੂੰ ਢਾਹ ਲਗਾ ਰਿਹਾ ਹੈ | ਐਰੀ ਨੇ ਕਿਹਾ ਕਿ ਸੂਬਾ ਸਰਕਾਰ ਪੰਜਾਬ ਅੰਦਰ ਬਣੇ ਹੜ੍ਹਾਂ ਦੇ ਹਾਲਤਾਂ 'ਚ ਨੁਕਸਾਨੇ ਲੋਕਾਂ ਨੂੰ ਬਣਦਾ ਮੁਆਵਜ਼ਾ ਦੇਣ ਲਈ ਵੀ ਬਚਨਬੱਧ ਹੋਵੇ |
