20-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 06-09-2025

ਸੋਢਲ ਮੇਲੇ ਵਿਚ ਪਲਾਸਟਿਕ ਤੇ ਥਰਮੋਕੋਲ ਦੀ ਵਰਤੋਂ ਨਾ ਕਰਨ ਲਈ ਜਾਗਰੂਕ ਕਰ ਰਿਹਾ ਨਿਗਮ

Ad Position 21
No active advertisement
ਅਜੀਤ ਡੈਸਕ 06-09-2025
• ਪਿਛਲੇ ਕਈ ਸਾਲਾਂ ਤੋਂ ਜਾਗਰੂਕ ਮੁਹਿੰਮ ਚੱਲਣ ਨਾਲ ਮੇਲੇ ਵਿਚ ਉਕਤ ਸਾਮਾਨ ਦੀ ਵਰਤੋਂ ਵਿਚ ਆਈ ਭਾਰੀ ਕਮੀ
ਜਲੰਧਰ, 5 ਸਤੰਬਰ (ਸ਼ਿਵ)-ਨਗਰ ਨਿਗਮ ਦੇ ਸੈਨੀਟੇਸ਼ਨ ਬਰਾਂਚ ਵਲੋਂ ਕਈ ਸਾਲਾਂ ਤੋਂ ਉਤਰੀ ਖੇਤਰ ਦੇ ਪ੍ਰਸਿੱਧ ਬਾਬਾ ਸੋਢਲ ਮੇਲੇ ਨੂੰ ਪਲਾਸਟਿਕ ਮੁਕਤ ਮੁੁਹਿੰਮ ਹੁਣ ਕਾਫੀ ਹੱਦ ਤੱਕ ਸਫਲ ਹੁੰਦੀ ਨਜਰ ਆ ਰਹੀ ਹੈ | ਕਾਫੀ ਸਮਾਂ ਪਹਿਲਾਂ ਨਿਗਮ ਦੀ ਸਾਬਕਾ ਜੁਆਇੰਟ ਕਮਿਸ਼ਨਰ ਆਈ.ਏ.ਐੱਸ. ਆਸ਼ਿਕਾ ਜੈਨ ਨੇ ਮੇਲੇ ਨੂੰ ਪਲਾਸਟਿਕ ਮੁਕਤ ਰੱਖਣ ਦੀ ਮੁਹਿੰਮ ਚਲਾਈ ਸੀ ਤਾਂ ਇਸ ਕਰਕੇ ਇਸ ਵਾਰ ਮੇਲੇ ਵਿਚ 80 ਫੀਸਦੀ ਤੋਂ ਜਿਆਦਾ ਪਲਾਸਟਿਕ ਦੀ ਵਰਤੋਂ ਨਹੀਂ ਹੋਵੇਗੀ | ਨਿਗਮ ਦੇ ਸੈਨੀਟੇਸ਼ਨ ਬਰਾਂਚ ਵਲੋਂ ਮੇਲੇ ਵਿਚ ਬੀਤੇ ਦਿਨੀਂ ਹੀ ਵਾਤਾਵਰਨ ਲਈ ਯੋਗ ਸਮਾਨ ਰੱਖ ਕੇ ਲੰਗਰ ਕਮੇਟੀਆਂ, ਲੋਕਾਂ ਨੂੰ ਜਾਗਰੂਕ ਕੀਤਾ ਸੀ ਕਿ ਉਹ ਮੇਲੇ ਵਿਚ ਪਲਾਸਟਿਕ ਅਤੇ ਥਰਮੋਕੋਲ ਦੇ ਬਣੇ ਸਮਾਨ ਦੀ ਜ਼ਿਆਦਾ ਵਰਤੋਂ ਨਾ ਕਰਨ ਤਾਂ ਜੋ ਮੇਲੇ ਵਿਚ ਪ੍ਰਦੂਸ਼ਣ ਨਾ ਫੈਲ ਸਕੇ | ਨਿਗਮ ਦੀ ਮੁਹਿੰਮ ਦਾ ਅਸਰ ਕੁਝ ਸਾਲ ਪਹਿਲਾਂ ਹੀ ਨਜਰ ਆਉਣ ਲੱਗ ਪਿਆ ਸੀ ਕਿ ਪਹਿਲਾਂ ਤਾਂ ਮੇਲੇ ਵਿਚ 6 ਤੋਂ 7 ਟਰਾਲੀਆਂ ਪਲਾਸਟਿਕ ਅਤੇ ਥਰਮੋਕੋਲ ਦੇ ਭਰੇ ਸਮਾਨ ਨਾਲ ਨਿਕਲਦੀਆਂ ਸੀ ਤਾਂ ਪਿਛਲੇ ਸਾਲ ਇਨਾਂ ਦੀ ਗਿਣਤੀ ਘੱਟ ਕੇ 2 ਤੋਂ 3 ਟਰਾਲੀਆਂ ਹੀ ਰਹਿ ਗਈ ਸੀ |
ਨਿਗਮ ਦੇ ਹੈਲਥ ਅਫਸਰ ਡਾ. ਕ੍ਰਿਸ਼ਨ ਸ਼ਰਮਾ ਨੇ ਕਿਹਾ ਕਿ ਮੇਲੇ ਦੀ ਲੰਗਰ ਕਮੇਟੀ ਤੇ ਹੋਰ ਲੋਕ ਗਿਮ ਨੂੰ ਪੂਰਾ ਸਹਿਯੋਗ ਦੇ ਰਹੇ ਹਨ ਤੇ ਇਸ ਵਾਰ ਲੰਗਰ ਕਮੇਟੀ ਵਲੋਂ ਸਟੀਲ ਦੀਆਂ 2000 ਥਾਲੀਆਂ ਲਿਆਂਦੀਆਂ ਗਈਆਂ ਹਨ ਜਿਨ੍ਹਾਂ 'ਚ ਲੰਗਰ ਵਰਤਾਇਆ ਜਾਵੇਗਾ | ਉਨਾਂ ਦੱਸਿਆ ਕਿ ਉਂਜ ਵੀ ਪਲਾਸਟਿਕ ਅਤੇ ਥਰਮੋਕੋਲ ਦੇ ਸਮਾਨ ਦੀ ਵਰਤੋਂ ਨੂੰ ਲੈ ਕੇ ਨਿਗਮ ਕਾਫੀ ਸਖਤ ਹੈ ਤੇ ਜੇਕਰ ਇਸ ਦੀ ਵਰਤੋਂ ਕੀਤੀ ਗਈ ਤਾਂ ਨਿਗਮ ਦੀਆਂ ਟੀਮਾਂ ਇਸ ਦੇ ਚਲਾਨ ਕੱਟ ਦੇਣਗੀਆਂ | ਸਫਾਈ ਦੇ ਮਾਮਲੇ ਕੀਤੇ ਗਏ ਪ੍ਰਬੰਧਾਂ ਬਾਰੇ ਕ੍ਰਿਸ਼ਨ ਸ਼ਰਮਾ ਨੇ ਕਿਹਾ ਕਿ ਮੇਲੇ ਵਿਚ 24 ਘੰਟੇ ਸਫਾਈ ਲਈ 150 ਤੋਂ ਲੈ ਕੇ 200 ਸਫਾਈ ਸੇਵਕ ਲਗਾਏ ਗਏ ਹਨ |
Ad Position 22
No active advertisement
ਪਿਛਲੀ ਖ਼ਬਰ ਲੋਹੀਆਂ ਦੇ ਨੌਜਵਾਨ ਨੇ ਨਵਾਂ ਪਿੰਡ ਖਾਲੇਵਾਲ ਪੁਲ ਤੋਂ ਮਾਰੀ ਹੈ ਛਾਲ, ਜਾਰੀ ਹੈ ਭਾਲ ਅਗਲੀ ਖ਼ਬਰ ਕੂੜੇ ਦਾ ਕੰਮ 143 ਕਰੋੜ ਦੇ ਠੇਕੇ 'ਤੇ ਦੇਣ ਤੋਂ ਭੜਕੀ ਨਗਰ ਨਿਗਮ ਯੂਨੀਅਨ
Ad Position 24