ਜਲੰਧਰ, 24 ਸਤੰਬਰ (ਜਸਪਾਲ ਸਿੰਘ)-ਸੇਂਟ ਮੈਰੀਜ ਕੈਥਿਡਰਲ ਚਰਚ ਜਲੰਧਰ ਛਾਉਣੀ ਵਿਖੇ ਮਸੀਹੀ ਭਾਈਚਾਰੇ ਦੀ ਇਕ ਅਹਿਮ ਮੀਟਿੰਗ ਫਾਦਰ ਥੌਮਸ ਕੀਪਰਥ ਦੀ ਅਗਵਾਈ ਹੇਠ ਹੋਈ, ਜਿਸ ਵਿਚ ਮਾਂ ਮਰੀਅਮ ਦੀ ਯਾਦ 'ਚ ਹਰ ਸਾਲ ਕਰਵਾਏ ਜਾਣ ਵਾਲੇ ਸਮਾਗਮ ਦੀਆਂ ਤਿਆਰੀਆਂ ਸੰਬੰਧੀ ਵਿਚਾਰ ਵਟਾਂਦਰਾ ਕੀਤਾ ਗਿਆ | ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਮਸੀਹੀ ਆਗੂ ਸੂਰਜ ਮਸੀਹ ਫੋਲੜੀਵਾਲ ਨੇ ਦੱਸਿਆ ਕਿ ਇਸ ਵਾਰ ਮਾਂ ਮਰੀਅਮ ਦੀ ਯਾਦ 'ਚ ਸਮਾਗਮ 24 ਅਕਤੂਬਰ ਤੋਂ ਸ਼ੁਰੂ ਹੋਵੇਗਾ ਤੇ 9 ਦਿਨ ਤੱਕ ਚੱਲੇਗਾ | ਜਦਕਿ 3 ਨਵੰਬਰ ਨੂੰ ਵਿਸ਼ਾਲ ਮੇਲਾ ਕਰਵਾਇਆ ਜਾਵੇਗਾ, ਜਿਸ ਵਿਚ ਜਲੰਧਰ ਡਾਇਓਸਿਸ ਦੇ ਸਾਰੇ ਫਾਦਰ ਸਾਹਿਬਾਨ ਤੇ ਪੰਜਾਬ, ਹਰਿਆਣਾ ਤੇ ਹਿਮਾਚਲ ਤੋਂ ਮਸੀਹੀ ਭਾਈਚਾਰੇ ਦੇ ਲੋਕ ਸ਼ਾਮਿਲ ਹੋਣਗੇ | ਸੂਰਜ ਮਸੀਹ ਨੇ ਦੱਸਿਆ ਕਿ ਮੇਲਾ ਦੀਆਂ ਤਿਆਰੀਆਂ ਸੰਬੰਧੀ ਸੇਵਾਦਾਰਾਂ ਦੀਆਂ ਡਿਊਟੀਆਂ ਲਗਾ ਦਿੱਤੀਆਂ ਗਈਆਂ ਹਨ | ਇਸ ਮੌਕੇ ਫਾਦਰ ਥੌਮਸ ਕੀਪਰਥ ਤੋਂ ਇਲਾਵਾ ਫਾਦਰ ਐਂਥਨੀ ਤੁਰਤੀ, ਫਾਦਰ ਥੌਮਸ ਕਾਲੰਚਰੀ, ਫਾਦਰ ਜੌਹਨ, ਫਾਦਰ ਪੀਟਰ ਹੰਸ, ਫਾਦਰ ਜੀਬੂ, ਫਾਦਰ ਰੌਬਿਨ, ਫਾਦਰ ਚੀਰੋਵਿਲ, ਫਾਦਰ ਮਾਰਟਿਨ ਸਾਦਿਕ, ਅਨਿਲ ਮਸੀਹ, ਲੱਕੀ ਸੰਸਾਰਪੁਰ, ਰੌਬਟ ਮਸੀਹ, ਲਾਰੈਂਸ ਮਸੀਹ, ਰਵੀ ਮਸੀਹ, ਮੈਡਮ ਅਨੂੰ, ਸਿਸਟਰ ਪੌਲੀਨ, ਬਾਬੂ ਜੌਹਨ, ਰਾਜਵੀਰ ਤੇ ਪਲੂਸ ਬਾਬੂ ਆਦਿ ਵੀ ਮੌਜੂਦ ਸਨ |
