ਝੁਨੀਰ, 6 ਸਤੰਬਰ (ਸੰਜੀਵ ਸਿੰਗਲਾ)- ਪਿੰਡ ਬਾਜੇਵਾਲਾ ਵਿਖੇ ਦੇਰ ਰਾਤ ਬਾਰਸ਼ ਨਾਲ ਮਕਾਨ ਡਿੱਗ ਗਿਆ ਜਦਕਿ ਕਮਰੇ 'ਚ ਸੁੱਤੇ ਪਏ ਕੇਵਲ ਖਾਂ ਤੇ ਪਰਿਵਾਰ ਦੇ ਮੈਂਬਰ ਵਾਲ-ਵਾਲ ਬਚ ਗਏ | ਇਸੇ ਤਰ੍ਹਾਂ ਹੀ ਪਿੰਡ ਦੇ ਲਵਪ੍ਰੀਤ ਸਿੰਘ, ਨਵਦੀਪ ਕੌਰ ਉਰਫ਼ ਨੈਨਸੀ ਦਾ ਮਕਾਨ ਮੀਂਹ ਕਾਰਨ ਸਿਮ ਕੇ ਤਰੇੜਾਂ ਖਾ ਚੁੱਕਿਆ ਹੈ, ਜੋ ਬਿਲਕੁਲ ਡਿੱਗਣ ਕਿਨਾਰੇ ਹੈ | ਉਕਤ ਦੋਵੇਂ ਵਿਅਕਤੀ ਮਜ਼ਦੂਰੀ ਕਰ ਕੇ ਘਰ ਦਾ ਗੁਜ਼ਾਰਾ ਕਰਦੇ ਹਨ ਅਤੇ ਮਕਾਨ ਬਣਾਉਣ ਲਈ ਅਸਮਰਥ ਹਨ | ਪੀੜਤ ਪਰਿਵਾਰਾਂ ਨੇ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਮਕਾਨ ਬਣਾਉਣ ਲਈ ਮੁਆਵਜ਼ਾ ਦਿੱਤਾ ਜਾਵੇ |