ਮਾਨਸਾ, 6 ਦਸੰਬਰ (ਬਲਵਿੰਦਰ ਸਿੰਘ ਧਾਲੀਵਾਲ)-ਜ਼ਿਲ੍ਹਾ ਪ੍ਰੀਸ਼ਦ ਤੇ ਪੰਚਾਇਤ ਸੰਮਤੀ ਚੋਣ ਪ੍ਰਕਿਰਿਆ ਦੇ ਨਾਮਜ਼ਦਗੀ ਪੱਤਰਾਂ ਦੀ ਵਾਪਸੀ ਤੋਂ ਬਾਅਦ ਮਾਨਸਾ ਜ਼ਿਲੇ੍ਹ 'ਚ 298 ਉਮੀਦਵਾਰ ਮੈਦਾਨ 'ਚ ਰਹਿ ਗਏ ਹਨ | ਜ਼ਿਲ੍ਹਾ ਪ੍ਰੀਸ਼ਦ ਦੇ 11 ਜ਼ੋਨਾਂ ਲਈ 42 ਅਤੇ ਪੰਚਾਇਤ ਸੰਮਤੀ ਦੇ 86 ਜ਼ੋਨਾਂ 'ਚ 256 ਉਮੀਦਵਾਰ ਕਿਸਮਤ ਅਜ਼ਮਾ ਰਹੇ ਹਨ | ਨਾਮਜ਼ਦਗੀ ਪੱਤਰ ਵਾਪਸ ਲੈਣ ਉਪਰੰਤ ਉਮੀਦਵਾਰਾਂ ਨੇ ਇਕਦਮ ਚੋਣ ਪ੍ਰਚਾਰ ਤੇਜ਼ ਕਰ ਦਿੱਤਾ ਹੈ | ਉਹ ਵੋਟਰਾਂ ਦੇ ਦਰਾਂ 'ਤੇ ਵੋਟਾਂ ਦੀ ਭੀਖ ਮੰਗਣ ਲੱਗੇ ਹਨ | ਉੱਧਰ ਜ਼ਿਲ੍ਹਾ ਚੋਣ ਅਫ਼ਸਰ-ਕਮ-ਡਿਪਟੀ ਕਮਿਸ਼ਨਰ ਟੀ ਬੈਨਿਥ (ਵਾਧੂ ਚਾਰਜ) ਨੇ ਦੱਸਿਆ ਕਿ ਜ਼ਿਲ੍ਹਾ ਪ੍ਰੀਸ਼ਦ ਮਾਨਸਾ ਲਈ ਦਲੇਲ ਸਿੰਘ ਵਾਲਾ, ਬੱਛੋਆਣਾ, ਭੈਣੀਬਾਘਾ, ਨੰਗਲ ਕਲਾਂ ਤੇ ਝੁਨੀਰ 1-1, ਬੋੜਾਵਾਲ, ਰਾਏਪੁਰ ਤੇ ਅੱਕਾਂਵਾਲੀ 2-2 ਅਤੇ ਝੰਡਾ ਕਲਾਂ ਜ਼ੋਨ ਤੋਂ 6 ਨਾਮਜ਼ਦਗੀ ਪੱਤਰ ਵਾਪਸ ਲਏ ਗਏ | ਪੰਚਾਇਤ ਸੰਮਤੀ ਮਾਨਸਾ ਲਈ ਬੁਰਜ ਢਿੱਲਵਾਂ, ਤਾਮਕੋਟ, ਚਕੇਰੀਆਂ, ਮਾਨਬੀਬੜੀਆਂ, ਖੀਵਾ ਕਲਾਂ, ਹੀਰੋ ਕਲਾਂ, ਸਮਾਓਾ, ਭੁਪਾਲ ਕਲਾਂ, ਅਕਲੀਆ, ਫਫੜੇ ਭਾਈਕੇ ਤੇ ਕਿਸ਼ਨਗੜ੍ਹ ਫਰਵਾਹੀ 1-1, ਹੋਡਲਾ ਕਲਾਂ 2 ਅਤੇ ਧਲੇਵਾਂ ਜ਼ੋਨ 'ਚੋਂ 3 ਨਾਮਜ਼ਦਗੀ ਪੱਤਰ ਵਾਪਸ ਲਏ ਗਏ ਹਨ | ਇਸ ਸੰਮਤੀ 'ਚ ਹੁਣ 81 ਉਮੀਦਵਾਰ ਮੈਦਾਨ 'ਚ ਹਨ | ਪੰਚਾਇਤ ਸੰਮਤੀ ਬੁਢਲਾਡਾ ਲਈ ਕਣਕਵਾਲ ਚਹਿਲਾਂ, ਗੁੜੱਦੀ, ਚੱਕ ਭਾਈਕੇ, ਗੁਰਨੇ ਕਲਾਂ, ਬੱਛੋਆਣਾ, ਅਹਿਮਦਪੁਰ, ਬਰ੍ਹੇ, ਮਲਕੋਂ, ਹਾਕਮਵਾਲਾ, ਮੱਲ ਸਿੰਘ ਵਾਲਾ ਤੇ ਧਰਮਪੁਰਾ ਜ਼ੋਨ ਤੋਂ 1-1, ਬਹਾਦਰਪੁਰ ਤੇ ਚੱਕ ਅਲੀਸ਼ੇਰ 'ਚ 2-2 ਅਤੇ ਦੋਦੜਾ ਜ਼ੋਨ 'ਚ 3 ਪੱਤਰ ਵਾਪਸ ਲਏ ਗਏ ਹਨ | ਇਸ ਸੰਮਤੀ 'ਚ ਉਮੀਦਵਾਰਾਂ ਦੀ ਗਿਣਤੀ 65 ਹੈ | ਪੰਚਾਇਤ ਸੰਮਤੀ ਸਰਦੂਲਗੜ੍ਹ ਦੇ ਜ਼ੋਨ ਕਰੰਡੀ, ਹੀਰਕੇ 'ਚ 1-1, ਫੱਤਾ ਮਾਲੋਕਾ, ਝੰਡਾ ਕਲਾਂ, ਝੰਡੂਕੇ 2-2, ਹੀਂਗਣਾ ਉਰਫ਼ ਭਗਵਾਨਪੁਰਾ ਤੇ ਸੰਘਾ 3-3, ਜਟਾਣਾ ਕਲਾਂ, ਮੀਰਪੁਰ ਕਲਾਂ ਤੇ ਕੁਸਲਾ ਜ਼ੋਨ 'ਚ 4-4 ਨਾਮਜ਼ਦਗੀਆਂ ਵਾਪਸ ਲਈਆਂ ਗਈਆਂ ਹਨ | ਇਸ ਸੰਮਤੀ 'ਚ ਹੁਣ 39 ਉਮੀਦਵਾਰ ਮੈਦਾਨ 'ਚ ਹਨ | ਇਸੇ ਤਰ੍ਹਾਂ ਪੰਚਾਇਤ ਸੰਮਤੀ ਝੁਨੀਰ ਲਈ ਧਿੰਗੜ, ਦਲੀਏਵਾਲੀ, ਮਾਖਾ, ਟਾਂਡੀਆਂ, ਉੱਲਕ, ਖਿਆਲੀ ਚਹਿਲਾਂਵਾਲੀ, ਮਾਖੇਵਾਲਾ, ਦੂਲੋਵਾਲ, ਜਵਾਹਰਕੇ, ਘਰਾਂਗਣਾ ਤੇ ਮੂਸਾ 'ਚ 1-1, ਰਾਏਪੁਰ, ਬਾਜੇਵਾਲਾ, ਕੋਰਵਾਲਾ, ਝੁਨੀਰ ਤੇ ਨੰਗਲ ਕਲਾਂ ਜ਼ੋਨ 'ਚ 2-2 ਅਤੇ ਕੋਟਧਰਮੂ ਜ਼ੋਨ 'ਚ 3 ਨਾਮਜ਼ਦਗੀਆਂ ਵਾਪਸ ਲਈਆਂ ਗਈਆਂ ਹਨ | ਇਸ ਸੰਮਤੀ 'ਚ 71 ਉਮੀਦਵਾਰ ਮੈਦਾਨ 'ਚ ਹਨ |
