ਬੋਹਾ, 20 ਦਸੰਬਰ (ਰਮੇਸ਼ ਤਾਂਗੜੀ)-ਕਸਬਾ ਬੋਹਾ ਦੇ 2 ਨੌਜਵਾਨਾਂ ਦੀ ਸੜਕ ਹਾਦਸੇ 'ਚ ਮੌਤ ਹੋ ਗਈ ਹੈ | ਜਾਣਕਾਰੀ ਅਨੁਸਾਰ ਦਲਜੀਤ ਸਿੰਘ ਪੁੱਤਰ ਕਰਮਜੀਤ ਸਿੰਘ ਫ਼ੌਜੀ ਐਮ.ਸੀ. ਲੰਘੀ ਰਾਤ ਆਪਣੇ ਦੋਸਤ ਪਿ੍ੰਸ ਕੁਮਾਰ ਪੁੱਤਰ ਅਰੁਣ ਕੁਮਾਰ ਨਾਲ ਮੋਟਰਸਾਈਕਲ 'ਤੇ ਬੋਹਾ ਵੱਲ ਆ ਰਹੇ ਸਨ ਤਾਂ ਕਲੀਪੁਰ ਨੇੜੇ ਅਣਪਛਾਤਾ ਵਾਹਨ ਫੇਟ ਮਾਰ ਗਿਆ | ਟੱਕਰ ਐਨੀ ਜ਼ੋਰਦਾਰ ਸੀ ਕਿ ਪਿ੍ੰਸ ਕੁਮਾਰ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਜਦਕਿ 'ਤੇ ਦਲਜੀਤ ਸਿੰਘ ਰਤੀਆ ਦੇ ਹਸਪਤਾਲ 'ਚ ਦਮ ਤੋੜ ਗਿਆ | ਜ਼ਿਕਰਯੋਗ ਹੈ ਕਿ ਦਲਜੀਤ ਪਟਿਆਲਾ ਤੋਂ ਜਦੋਂ ਬੁਢਲਾਡਾ ਪਹੁੰਚਿਆ ਤਾਂ ਸਾਰੀਆਂ ਬੱਸਾਂ ਲੰਘ ਚੁੱਕੀਆਂ ਸਨ, ਨੇ ਆਪਣੇ ਮਿੱਤਰ ਪਿੰ੍ਰਸ ਨੂੰ ਵਹੀਕਲ 'ਤੇ ਲਿਜਾਣ ਲਈ ਬੁਲਾਇਆ | ਦੋਵਾਂ ਦੇ ਸਸਕਾਰ ਮੌਕੇ ਮਾਹੌਲ ਗ਼ਮਗੀਨ ਸੀ | ਸਸਕਾਰ ਮੌਕੇ ਹਲਕਾ ਵਿਧਾਇਕ ਬੁੱਧ ਰਾਮ, ਚੇਅਰਮੈਨ ਮਾਰਕਿਟ ਕਮੇਟੀ ਬੋਹਾ ਰਣਜੀਤ ਸਿੰਘ ਫਰੀਦਕੇ, ਆਪ ਆਗੂ ਚਰਨਜੀਤ ਸਿੰਘ ਅੱਕਾਂਵਾਲੀ, ਕਮਲਜੀਤ ਸਿੰਘ ਬਾਵਾ ਪ੍ਰਧਾਨ ਨਗਰ ਪੰਚਾਇਤ ਬੋਹਾ, ਹਰਪਾਲ ਸਿੰਘ ਪੰਮੀ, ਜਗਤਾਰ ਸਿੰਘ ਤਾਰੀ, ਕਾ. ਜਗਨ ਨਾਥ, ਸੁਨੀਲ ਗੋਇਲ ਸਾਬਕਾ ਪ੍ਰਧਾਨ ਨਗਰ ਪੰਚਾਇਤ ਬੋਹਾ, ਮਾ: ਗੁਰਜੰਟ ਸਿੰਘ, ਕੁਲਵੰਤ ਸਿੰਘ ਸ਼ੇਰਖਾਂ ਮੈਂਬਰ ਬਲਾਕ ਸੰਮਤੀ, ਜਗਸੀਰ ਸਿੰਘ ਜੱਗਾ ਕੌਂਸਲਰ ਤੋਂ ਇਲਾਵਾ ਵੱਡੀ ਗਿਣਤੀ 'ਚ ਬੋਹਾ ਖੇਤਰ ਦੇ ਲੋਕ ਹਾਜ਼ਰ ਸਨ |
