ਬੁਢਲਾਡਾ, 23 ਦਸੰਬਰ (ਮਨਚੰਦਾ)- ਪੀ. ਆਰ. ਟੀ. ਸੀ. ਬੁਢਲਾਡਾ ਡਿਪੂ ਦੇ ਇਕ ਬੱਸ ਡਰਾਈਵਰ ਨੇ ਧੁੰਦ 'ਚ ਸਵਾਰੀਆਂ ਦੀ ਜਾਨ ਨੂੰ ਖ਼ਤਰੇ 'ਚ ਪਾ ਦਿੱਤਾ ਜਦੋਂ ਉਸ ਦਾ ਸੰਘਣੀ ਧੁੰਦ 'ਚ ਇਕ ਹੱਥ ਸਟੈਰਿੰਗ ਨਾਲ ਸੀ ਜਦਕਿ ਦੂਸਰੇ ਹੱਥ 'ਚ ਮੋਬਾਈਲ ਫ਼ੋਨ 'ਤੇ ਕੁਝ ਵੇਖ ਰਿਹਾ ਸੀ | ਇਹ ਬੱਸ ਹਰਿਆਣਾ ਰਾਜ ਤੋਂ ਬੁਢਲਾਡਾ ਵੱਲ ਆ ਰਹੀ ਸੀ | ਕੁਝ ਸਵਾਰੀਆਂ ਨੇ ਇਹ ਸਭ ਮੋਬਾਈਲ 'ਚ ਕੈਦ ਕਰ ਲਿਆ | ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਤਰ੍ਹਾਂ-ਤਰ੍ਹਾਂ ਦੀਆਂ ਟਿੱਪਣੀਆਂ ਆ ਰਹੀਆਂ ਹਨ | ਲੋਕਾਂ ਦੀ ਮੰਗ ਹੈ ਕਿ ਅਜਿਹੇ ਡਰਾਈਵਰਾਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇ |
