ਸੋਮਰਸੈਟ ਇੰਟਰਨੈਸ਼ਨਲ ਸਕੂਲ ਵਿਖੇ ਸੱਭਿਆਚਾਰਕ ਮੇਲਾ 'ਰੰਗਲਾ ਪੰਜਾਬ 2025' ਕਰਵਾਇਆ
ਅਜੀਤ ਡੈਸਕ
24-11-2025
ਇਸ ਸਮਾਗਮ ਦੀ ਸ਼ੋਭਾ ਵਧਾਉਣ ਲਈ ਕਈ ਮਾਣਯੋਗ ਹਸਤੀਆਂ ਨੇ ਹਾਜ਼ਰੀ ਭਰੀ, ਜਿਨ੍ਹਾਂ ਵਿੱਚ ਚੀਫ਼ ਗੈਸਟ ਵਿਨੀਤ ਧੀਰ ਮੇਅਰ ਜਲੰਧਰ, ਗੈਸਟ ਆਫ਼ ਆਨਰ ਪਰਵਿੰਦਰ ਕੌਰ ਪ੍ਰਧਾਨ ਐਨ.ਆਰ.ਆਈ ਸਭਾ ਪੰਜਾਬ, ਗੈਸਟ ਆਫ਼ ਆਨਰ ਪਰਮਿੰਦਰ ਕੌਰ ਚੰਨੀ ਕੋ ਚੇਅਰਪਰਸਨ ਸੀ.ਟੀ ਗਰੁੱਪ ਆਫ਼, ਇੰਸਟੀਚਿਊਟ, ਬਲਵੀਰ ਜਸਰੋਟੀਆ, ਗੁਰਪ੍ਰੀਤ ਸਿੰਘ ਮੇਜਰ , ਜੋਏ ਮਲਿਕ, ਅਮਰਜੀਤ ਸਿੰਘ ਅਮਰੀ , ਜਥੇਦਾਰ ਗੁਰਦੇਵ ਸਿੰਘ ਨਿੱਝਰ ਸ਼ਾਮਲ ਸਨ | ਵਨੀਤ ਧੀਰ ਨੇ ਆਪਣੇ ਸੰਬੋਧਨ 'ਚ ਕਿਹਾ 'ਬੱਚਿਓ, ਜੇਕਰ ਤੁਸੀਂ ਜ਼ਿੰਦਗੀ 'ਚ ਸਫ਼ਲ ਹੋਣਾ ਚਾਹੁੰਦੇ ਹੋ ਤਾਂ ਪੜ੍ਹਾਈ ਦਾ ਪੱਲਾ ਨਾ ਛੱਡਣਾ | ਸਮਾਗਮ ਵਿੱਚ ਸੰਬੋਧਨ ਕਰਦੇ ਹੋਏ, ਚੇਅਰਮੈਨ ਮਹਿੰਦਰ ਸਿੰਘ ਨੇ ਪੰਜਾਬ ਦੀ ਸ਼ਾਨਦਾਰ ਵਿਰਾਸਤ ਨੂੰ ਜ਼ਿੰਦਾ ਰੱਖਣ ਲਈ ਸਕੂਲ ਭਾਈਚਾਰੇ ਦੇ ਸਮੂਹਿਕ ਯਤਨਾਂ ਦੀ ਡੂੰਘੀ ਪ੍ਰਸ਼ੰਸਾ ਪ੍ਰਗਟ ਕੀਤੀ |
