ਕਪੂਰਥਲਾ, 5 ਦਸੰਬਰ (ਸਡਾਨਾ)-ਜੇਲ੍ਹ ਵਿਚ ਬੰਦ ਹਵਾਲਾਤੀ ਦੇ ਸਮਾਨ ਵਿਚੋਂ ਨਸ਼ੀਲਾ ਪਦਾਰਥ, ਤੰਬਾਕੂ, ਤੇ ਬੀੜੀਆਂ ਬਰਾਮਦ ਹੋਣ ਦੇ ਮਾਮਲੇ ਸਬੰਧੀ ਕੋਤਵਾਲੀ ਪੁਲਿਸ ਨੇ ਹਵਾਲਾਤੀ ਵਿਰੁੱਧ ਕੇਸ ਦਰਜ ਕੀਤਾ ਹੈ | ਆਪਣੀ ਸ਼ਿਕਾਇਤ ਵਿਚ ਜੇਲ੍ਹ ਦੇ ਸਹਾਇਕ ਸੁਪਰਡੈਂਟ ਨਿਰਪਦੀਪ ਸਿੰਘ ਨੇ ਦੱਸਿਆ ਕਿ ਹਵਾਲਾਤੀ ਯੁਵਰਾਜ ਸਿੰਘ ਦਾ ਪਿਤਾ ਉਸ ਨੂੰ ਮਿਲਣ ਲਈ ਆਇਆ ਤੇ ਉਸ ਵਲੋਂ ਲਿਆਂਦੇ ਕੱਪੜਿਆਂ ਨੂੰ ਜੇਲ੍ਹ ਦੇ ਗੇਟ 'ਤੇ ਰੱਖ ਦਿੱਤਾ ਗਿਆ, ਜਦੋਂ ਹਵਾਲਾਤੀ ਯੁਵਰਾਜ ਸਿੰਘ ਦੇ ਸਾਹਮਣੇ ਉਸ ਦਾ ਸਮਾਨ ਜਾਂਚਿਆ ਗਿਆ ਤਾਂ ਉਸ ਵਿਚੋਂ 25 ਗ੍ਰਾਮ ਨਸ਼ੀਲਾ ਪਦਾਰਥ, 114 ਗ੍ਰਾਮ ਤੰਬਾਕੂ ਤੇ 83 ਖੁੱਲ੍ਹੀਆਂ ਬੀੜੀਆਂ ਬਰਾਮਦ ਹੋਈਆਂ, ਜਿਸ ਸਬੰਧੀ ਥਾਣਾ ਕੋਤਵਾਲੀ ਪੁਲਿਸ ਨੇ ਹਵਾਲਾਤੀ ਵਿਰੁੱਧ ਕੇਸ ਦਰਜ ਕਰ ਲਿਆ ਹੈ ਤੇ ਉਸ ਨੂੰ ਪ੍ਰੋਡਕਸ਼ਨ ਵਾਰੰਟ 'ਤੇ ਲਿਆ ਕੇ ਪੁੱਛਗਿੱਛ ਕੀਤੀ ਜਾਵੇਗੀ |
