ਢਾਕਾ, 2 ਫਰਵਰੀ (ਪੀ. ਟੀ. ਆਈ.)-ਬੰਗਲਾਦੇਸ਼ ਦੀ ਇਕ ਅਦਾਲਤ ਨੇ ਸੋਮਵਾਰ ਨੂੰ ਇਕ ਸਰਕਾਰੀ ਰਿਹਾਇਸ਼ੀ ਪ੍ਰਾਜੈਕਟ ਵਿਚ ਜ਼ਮੀਨ ਦੀ ਵੰਡ ਵਿਚ ਕਥਿਤ ਬੇਨਿਯਮੀਆਂ ਨਾਲ ਸੰਬੰਧਿਤ ਦੋ ਵੱਖ-ਵੱਖ ਭਿ੍ਸ਼ਟਾਚਾਰ ਮਾਮਲਿਆਂ ਵਿਚ ਗੱਦੀਓਾ ਲਾਹੁਣ ਵਾਲੀ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ਨੂੰ 10 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ | ਢਾਕਾ ਦੀ ਵਿਸ਼ੇਸ਼ ਜੱਜ ਦੀ ਅਦਾਲਤ ਨੇ 79 ਸਾਲਾ ਹਸੀਨਾ ਨੂੰ ਰਾਜਧਾਨੀ ਦੇ ਬਾਹਰਵਾਰ ਪੂਰਬਚੋਲ ਵਿਚ ਰਾਜੁਕ ਨਿਊ ਟਾਊਨ ਪ੍ਰਾਜੈਕਟ ਅਧੀਨ ਆਪਣੀ ਭਤੀਜੀ, ਯੂ.ਕੇ. ਲੇਬਰ ਸੰਸਦ ਮੈਂਬਰ ਅਤੇ ਸਾਬਕਾ ਬਿ੍ਟਿਸ਼ ਮੰਤਰੀ ਟਿਊਲਿਪ ਸਿੱਦੀਕ ਸਮੇਤ ਹੋਰਾਂ ਨੂੰ ਰਿਹਾਇਸ਼ੀ ਪਲਾਟ ਅਲਾਟ ਕਰਨ ਵਿਚ ਆਪਣੇ ਅਧਿਕਾਰਤ ਪ੍ਰਭਾਵ ਦੀ ਵਰਤੋਂ ਕਰਨ ਲਈ 10 ਸਾਲ ਦੀ ਸਖ਼ਤ ਕੈਦ ਦੀ ਸਜ਼ਾ ਸੁਣਾਈ | ਜੱਜ ਰੋਬੀਉਲ ਆਲਮ ਨੇ ਇੱਕੋ ਸਮੇਂ ਹਸੀਨਾ ਦੀਆਂ ਦੋ ਭਤੀਜੀਆਂ ਅਤੇ ਇਕ ਭਤੀਜੇ ਨੂੰ ਵੱਖ-ਵੱਖ ਕੈਦ ਦੀ ਸਜ਼ਾ ਸੁਣਾਈ | ਸਿੱਦੀਕ ਦੀ ਛੋਟੀ ਭੈਣ, ਅਜ਼ਮਾਨ ਸਿੱਦੀਕ ਅਤੇ ਭਰਾ ਰਦਵਾਨ ਮੁਜੀਬ ਸਿੱਦੀਕ ਬੌਬੀ ਨੂੰ ਸੱਤ ਸਾਲ ਦੀ ਸਖ਼ਤ ਕੈਦ ਦੀ ਸਜ਼ਾ ਸੁਣਾਈ ਗਈ, ਜਦੋਂ ਕਿ ਗੱਦੀਓਾ ਲਾਹੁਣ ਵਾਲੀ ਪ੍ਰਧਾਨ ਮੰਤਰੀ ਅਤੇ ਉਨ੍ਹਾਂ ਦੇ ਰਿਸ਼ਤੇਦਾਰਾਂ ਨੂੰ ਗੈਰ-ਹਾਜ਼ਰੀ ਵਿਚ ਮੁਕੱਦਮੇ ਤੋਂ ਬਾਅਦ ਕੈਦ ਦੀ ਸਜ਼ਾ ਸੁਣਾਈ ਗਈ | ਫੈਸਲਾ ਦੁਪਹਿਰ ਲਗਭਗ 12.30 ਵਜੇ ਸੁਣਾਇਆ ਗਿਆ |
