ਨਵੀਂ ਦਿੱਲੀ, 3 ਫਰਵਰੀ (ਜਗਤਾਰ ਸਿੰਘ)-ਕੇਂਦਰੀ ਬਜਟ 2026 ਅਤੇ ਵਿਕਸਤ ਭਾਰਤ 2047 ਲਈ ਸਰਕਾਰ ਦੇ ਦਿ੍ਸ਼ਟੀਕੋਣ 'ਤੇ ਚਰਚਾ ਕਰਨ ਲਈ ਐਨ.ਡੀ.ਏ. ਸੰਸਦੀ ਦਲ ਦੀ ਬੈਠਕ ਸੱਦੀ ਗਈ¢ ਇਸ ਬੈਠਕ ਦੌਰਾਨ ਐਨ.ਡੀ.ਏ. ਆਗੂਆਂ ਵਲੋਂ, ਹਾਲ ਹੀ ਵਿਚ ਹੋਏ ਸਾਰੇ ਵਪਾਰ ਸਮਝੌਤਿਆਂ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਵਧਾਈ ਦਿੱਤੀ¢ ਬੈਠਕ ਦੌਰਾਨ ਐਨ.ਡੀ.ਏ. ਸੰਸਦ ਮੈਂਬਰਾਂ ਨੂੰ ਸੰਬੋਧਨ ਕਰਦਿਆਂ ਪ੍ਰਧਾਨ ਮੰਤਰੀ ਮੋਦੀ ਨੇ ਅਮਰੀਕਾ-ਭਾਰਤ ਵਪਾਰ ਸਮਝੌਤੇ 'ਤੇ ਖ਼ੁਸ਼ੀ ਪ੍ਰਗਟ ਕਰਦਿਆਂ ਇਸ ਨੂੰ 'ਸਬਰ ਦਾ ਫਲ਼' ਦੱਸਣ ਦੇ ਨਾਲ ਹੀ ਕੂਟਨੀਤਕ ਸਫਲਤਾ ਵੀ ਕਰਾਰ ਦਿੱਤਾ¢ ਉਨ੍ਹਾਂ ਕਿਹਾ ਕਿ ਭਾਰਤ-ਅਮਰੀਕਾ ਵਪਾਰ ਸਮਝੌਤਾ ਇੱਕ ਵੱਡਾ ਫ਼ੈਸਲਾ ਹੈ ਜੋ ਦੇਸ਼ ਦੇ ਹਰ ਕਿਸੇ ਨੂੰ ਫ਼ਾਇਦਾ ਪਹੁੰਚਾਏਗਾ ਅਤੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਕੇਂਦਰ ਸਰਕਾਰ ਹਮੇਸ਼ਾ ਰਾਸ਼ਟਰੀ ਹਿਤ ਵਿਚ ਕੰਮ ਕਰਦੀ ਹੈ |
