ਮੁੱਲਾਂਪੁਰ-ਦਾਖਾ, 8 ਮਾਰਚ (ਨਿਰਮਲ ਸਿੰਘ ਧਾਲੀਵਾਲ)- ਬੱਜਟ ਸੈਸ਼ਨ ਦੌਰਾਨ ਵਿੱਤ ਮੰਤਰੀ ਪੰਜਾਬ ਸਰਕਾਰ ਨੂੰ 'ਆਪ' ਦੇ ਚੋਣ ਵਾਅਦੇ ਅਨੁਸਾਰ ਔਰਤਾਂ ਨੂੰ ਇਕ ਹਜ਼ਾਰ ਦੀ ਥਾਂ ਪਿਛਲੇ ਚਾਰ ਸਾਲ ਦਾ 48 ਹਜ਼ਾਰ ਬਕਾਇਆ ਦੇਣ ਬਾਰੇ ਵੀ ਸਪੱਸ਼ਟ ਕਰਨਾ ਚਾਹੀਦਾ ਸੀ, ਇਹ ਪ੍ਰਤੀਕਿਰਿਆ ਵਿਧਾਇਕ ਮਨਪ੍ਰੀਤ ਸਿੰਘ ਇਯਾਲੀ ਨੇ ਰਾਜ ਭਰ ਦੀਆਂ ਔਰਤਾਂ ਨਾਲ ਸਰਕਾਰ ਵਲੋਂ ਅਧੂਰੇ ਵਾਅਦੇ 'ਤੇ ਪ੍ਰਗਟਾਈ | ਉਨ੍ਹਾਂ ਨੇ ਕਿਹਾ ਕਿ ਨੌਕਰੀਸ਼ੁਦਾ, ਪੈਨਸ਼ਨ ਵਾਲੀਆਂ ਇੱਥੋਂ ਤੱਕ ਕਿ ਆਰ. ਟੀ. ਆਈ. ਭਰਨ ਵਾਲੀਆਂ ਔਰਤਾਂ ਨੂੰ ਇਸ ਲਾਭ ਤੋਂ ਬਾਹਰ ਰੱਖਣਾ ਵੀ ਔਰਤਾਂ ਨਾਲ ਵਿਤਕਰਾ ਹੈ ਕਿਉਂਕਿ ਚੋਣ ਵਾਅਦਾ ਸੀ, ਵੋਟ ਤਾਂ ਹਰ ਔਰਤ ਵਲੋਂ ਪਾਈ ਗਈ |
