ਸਾਊਦੀ ਅਰਬ 'ਚ ਕਿਸੇ ਭਾਰਤੀ ਦੀ ਮੌਤ ਨਹੀਂ ਹੋਈ-ਦੂਤਘਰ

ਦੁਬਈ, 9 ਮਾਰਚ (ਪੀ.ਟੀ.ਆਈ.)-ਰਿਆਧ 'ਚ ਭਾਰਤੀ ਦੂਤਘਰ ਨੇ ਸੋਮਵਾਰ ਨੂੰ ਕਿਹਾ ਕਿ ਸਾਊਦੀ ਅਰਬ 'ਚ ਇਕ ਰਿਹਾਇਸ਼ੀ ਅਹਾਤੇ 'ਚ ਹੋਈ ਪ੍ਰੋਜੈਕਟਾਈਲ ਘਟਨਾ 'ਚ ਕਿਸੇ ਭਾਰਤੀ ਦੀ ਮੌਤ ਨਹੀਂ ਹੋਈ। ਇਸ 'ਚ ਅੱਗੇ ਕਿਹਾ ਗਿਆ ਹੈ ਕਿ ਐਤਵਾਰ ਨੂੰ ਹੋਈ ਘਟਨਾ 'ਚ ਜ਼ਖਮੀ ਹੋਏ ਇਕ ਭਾਰਤੀ ਨਾਗਰਿਕ ਦਾ ਸਰਕਾਰੀ ਹਸਪਤਾਲ 'ਚ ਇਲਾਜ ਚੱਲ ਰਿਹਾ ਹੈ। ਦੂਤਘਰ ਨੇ ਕਿਹਾ ਕਿ ਉਹ ਇਸ ਮਾਮਲੇ ਸੰਬੰਧੀ ਸੰਬੰਧਿਤ ਸਾਊਦੀ ਅਧਿਕਾਰੀਆਂ ਨਾਲ ਸੰਪਰਕ 'ਚ ਹੈ।
ਈਰਾਨੀ ਮਿਜ਼ਾਈਲ ਹਮਲੇ 'ਚ ਭਾਰਤੀ ਨਾਗਰਿਕ ਜ਼ਖ਼ਮੀ
ਯੇਰੂਸ਼ਲਮ, (ਪੀ.ਟੀ.ਆਈ.)-ਇਜ਼ਰਾਈਲ 'ਚ ਇਕ ਭਾਰਤੀ ਨਾਗਰਿਕ ਈਰਾਨੀ ਮਿਜ਼ਾਈਲ ਦੇ ਛੱਰੇ ਗਰਦਨ 'ਚ ਲੱਗਣ ਕਾਰਨ ਜ਼ਖਮੀ ਹੋ ਗਿਆ। ਐਤਵਾਰ ਨੂੰ ਜ਼ਖਮੀ ਹੋਏ ਇਸ ਵਿਅਕਤੀ ਦੀ ਤਲ ਅਵੀਵ ਦੇ ਇਚਿਲੋਵ ਹਸਪਤਾਲ 'ਚ ਸਰਜਰੀ ਹੋਈ ਅਤੇ ਹੁਣ ਉਸਦੀ ਹਾਲਤ ਸਥਿਰ ਹੈ।