ਜਗਰਾਉਂ, 12 ਅਪ੍ਰੈਲ (ਸ਼ਮਸ਼ੇਰ ਸਿੰਘ ਗਾਲਿਬ)-ਵਰਿੰਦਾਵਨ ਹਾਦਸੇ ਦਾ ਸ਼ਿਕਾਰ ਹੋਏ ਮਾਸਟਰ ਰਿਸ਼ਭ ਸ਼ਰਮਾ ਹਾਦਸੇ ਦੌਰਾਨ ਲਾਪਤਾ ਹੋ ਗਏ ਸਨ, ਉਨ੍ਹਾਂ ਦਾ ਸਰੀਰ ਦੋ ਦਿਨਾਂ ਬਾਅਦ ਮਿਲਿਆ ਹੈ | ਉਨ੍ਹਾਂ ਦਾ 13 ਅਪ੍ਰੈਲ ਨੂੰ ਸਵੇਰੇ 9:30 ਵਜੇ ਸ਼ੇਰਪੁਰਾ ਰੋਡ, ਮੰਡੀ ਸਾਹਮਣੇ ਜਗਰਾਉਂ ਸ਼ਮਸ਼ਾਨਘਾਨ ਵਿਖੇ ਕੀਤਾ ਜਾਵੇਗਾ | ਦੱਸਣਯੋਗ ਹੈ ਕਿ ਹਾਦਸੇ ਦੌਰਾਨ ਪਹਿਲਾਂ ਜਗਰਾਉਂ ਦੇ ਪੰਜ ਵਿਅਕਤੀਆਂ ਦੀ ਮੌਤ ਹੋ ਗਈ ਸੀ ਤੇ ਕਈ ਵਿਅਕਤੀ ਲਾਪਤਾ ਹੋ ਗਏ ਸਨ | ਇਨ੍ਹਾਂ 'ਚੋਂ ਇਕ ਨੌਜਵਾਨ ਦਾ ਸਰੀਰ 12 ਅਪ੍ਰੈਲ ਨੂੰ ਗੋਤਾਖੋਰਾਂ ਤੇ ਵਿਸ਼ੇਸ਼ ਟੀਮਾਂ ਦੀ ਮੁਸ਼ੱਕਤ ਕਾਰਨ ਮਿਲਿਆ | ਜੋ ਦੇਰ ਰਾਤ ਅੱਜ ਉਨ੍ਹਾਂ ਦੀ ਦੇਹ ਜਗਰਾਉਂ ਪੁੱਜੇਗੀ | ਇਸ ਛੇਵੇਂ ਵਿਅਕਤੀ ਦਾ ਸਸਕਾਰ ਅੱਜ ਕੀਤਾ ਜਾਵੇਗਾ |
