ਭਾਜਪਾ ਨੇ ਪਿ੍ਅੰਕਾ ਗਾਂਧੀ ਦੀ ਪ੍ਰੈੱਸ ਕਾਨਫ਼ਰੰਸ ਤੋਂ ਬਾਅਦ ਜਵਾਬੀ ਹਮਲਾ ਕਰਦਿਆਂ ਕਿਹਾ ਕਿ ਕਾਂਗਰਸ ਨੇ ਬਿੱਲ ਖਾਰਜ ਹੋਣ ਦਾ ਜਸ਼ਨ ਮਨਾਇਆ | ਸਾਬਕਾ ਕੇਂਦਰੀ ਮੰਤਰੀ ਰਵੀ ਸ਼ੰਕਰ ਪ੍ਰਸਾਦ ਅਤੇ ਸਮਿ੍ਤੀ ਈਰਾਨੀ ਨੇ ਕਾਂਗਰਸ 'ਤੇ ਸ਼ਬਦੀ ਹਮਲਾ ਕਰਦਿਆਂ ਕਿਹਾ ਕਿ ਸ਼ੁੱਕਰਵਾਰ ਨੂੰ ਕਾਂਗਰਸ ਦਾ ਜ਼ਾਲਮ ਚਿਹਰਾ ਜਨਤਾ ਦੇ ਸਾਹਮਣੇ ਆਇਆ | ਉਨ੍ਹਾਂ ਕਿਹਾ ਕਿ ਕਾਂਗਰਸ ਦੀ ਮਨਸ਼ਾ ਸਿਰਫ਼ ਵਿਖਾਵੇ ਦੀ ਹੈ | ਉਨ੍ਹਾਂ ਨੇ ਔਰਤਾਂ ਦਾ ਹੱਕ ਖੋਹਿਆ ਹੈ | ਭਾਜਪਾ ਨੇਤਾਵਾਂ ਨੇ ਕਿਹਾ ਕਿ ਭਾਜਪਾ ਲਈ ਇਹ ਸੱਤਾ ਦਾ ਸੰਘਰਸ਼ ਨਹੀਂ, ਸਗੋਂ ਬਰਾਬਰੀ ਦੇਣ ਦਾ ਸਵਾਲ ਸੀ | ਸਮਿ੍ਤੀ ਇਰਾਨੀ ਨੇ ਕਾਂਗਰਸ ਨੇਤਾਵਾਂ ਨੂੰ ਦੋਹਰੇ ਚਰਿੱਤਰ ਦਾ ਦੱਸਦਿਆਂ ਕਿਹਾ ਕਿ ਉਹ 2023 'ਚ ਪਾਸ ਬਿੱਲ ਦਾ ਸਮਰਥਨ ਵੀ ਕਰਦੇ ਹਨ, ਜਿਸ 'ਚ ਹੱਦਬੰਦੀ ਦਾ ਜ਼ਿਕਰ ਹੈ ਅਤੇ ਇਹ ਵੀ ਕਹਿੰਦੇ ਹਨ ਕਿ ਉਨ੍ਹਾਂ ਨੂੰ ਹੱਦਬੰਦੀ ਦੀ ਵਿਵਸਥਾ 'ਚ ਯਕੀਨ ਨਹੀਂ ਹੈ |
