'ਪ੍ਰੈੱਸ ਦੀ ਆਜ਼ਾਦੀ ਬਹਾਲ ਕਰੋ ਸੰਘਰਸ਼ ਕਮੇਟੀ' ਨੇ ਮੀਡੀਆ 'ਤੇ ਦਬਾਅ ਬਣਾਉਣ ਲਈ ਰਾਜ ਸ਼ਕਤੀ ਦੀ ਦੁਰਵਰਤੋਂ 'ਤੇ ਪ੍ਰਗਟਾਈ ਚਿੰਤਾ <br/>

ਨਵੀਂ ਦਿੱਲੀ, 27 ਅਪ੍ਰੈਲ (ਜਗਤਾਰ ਸਿੰਘ)-ਰਾਜਧਾਨੀ ਦਿੱਲੀ 'ਚ ਸਥਿਤ ਪ੍ਰੈੱਸ ਕਲੱਬ ਆਫ਼ ਇੰਡੀਆ ਵਲੋਂ 'ਪ੍ਰੈੱਸ ਦੀ ਆਜ਼ਾਦੀ ਬਹਾਲ ਕਰੋ ਸੰਘਰਸ਼ ਕਮੇਟੀ ਪੰਜਾਬ' ਵਲੋਂ ਕਮੇਟੀ ਦੇ ਬੁਲਾਰੇ ਬਖਤੌਰ ਢਿੱਲੋਂ, ਮਨਿੰਦਰਜੀਤ ਸਿੱਧੂ, ਸਾਹਿਲਦੀਪ ਸਿੰਘ ਨੇ ਸਾਂਝੇ ਤੌਰ ਕਿਹਾ ਕਿ ਪੰਜਾਬ ਸਰਕਾਰ ਵਲੋਂ ਸੁਤੰਤਰ ਮੀਡੀਆ ਨੂੰ ਚੁੱਪ ਕਰਾਉਣ ਲਈ ਹਰ ਹਰਬਾ ਵਰਤਿਆ ਜਾ ਰਿਹਾ ਹੈ | ਮੀਡੀਆ 'ਤੇ ਦਬਾਅ ਬਣਾਉਣ ਲਈ ਰਾਜ ਸ਼ਕਤੀ ਦੀ ਦੁਰਵਰਤੋਂ ਬਾਰੇ ਵੀ ਚਿੰਤਾਵਾਂ ਜ਼ਾਹਰ ਕਰਦਿਆਂ ਉਨ੍ਹਾਂ ਦੱਸਿਆ ਕਿ ਡਿਜੀਟਲ ਪੱਤਰਕਾਰਾਂ ਅਤੇ ਪਲੇਟਫ਼ਾਰਮਾਂ ਨੂੰ ਕਾਪੀ-ਰਾਈਟ ਸਟ੍ਰਾਈਕ, ਕਾਨੂੰਨੀ ਮਾਮਲੇ ਅਤੇ ਸਮਗਰੀ ਹਟਾਉਣ ਦੇ ਜ਼ਰੀਏ, ਸੰਗਠਿਤ ਤਰੀਕੇ ਨਾਲ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ | ਉਨ੍ਹਾਂ ਕਿਹਾ ਕਿ ਸਰਕਾਰ ਦੀ ਧੱਕੇਸ਼ਾਹੀ ਖ਼ਿਲਾਫ਼ ਸਾਡਾ ਸੰਘਰਸ਼ ਜਾਰੀ ਰਹੇਗਾ | ਇਸ ਮੌਕੇ ਜਸ ਗਰੇਵਾਲ, ਮਨਦੀਪ ਮੱਕੜ, ਬਖਸ਼ੀਸ਼ ਆਜ਼ਾਦ, ਸੰਦੀਪ ਲਾਧੁਕਾ, ਮੋਹਨ ਸਿੰਘ ਔਲਖ, ਵਿਕਾਸ ਤੋਂ ਇਲਾਵਾ ਪ੍ਰੈੱਸ ਕਲੱਬ ਚੰਡੀਗੜ੍ਹ ਦੇ ਪ੍ਰਧਾਨ ਸੌਰਭ ਦੁੱਗਲ, ਪਰੰਜਾਏ ਠਾਕੁਰਤਾ, ਸ਼ਿਵ ਇੰਦਰ ਸਿੰਘ ਤੇ ਸਰਵੇਸ਼ ਵੀ ਮੌਜੂਦ ਸਨ ¢