ਕਾਂਗਰਸ ਮਨਮੋਹਨ ਸਿੰਘ ਦੇ ਪਰਿਵਾਰ ਤੋਂ ਮੁਆਫ਼ੀ ਮੰਗੇ-ਰਿਜਿਜੂ

ਨਵੀਂ ਦਿੱਲੀ, 17 ਅਗਸਤ (ਪੀ.ਟੀ.ਆਈ.)-ਕੇਂਦਰੀ ਮੰਤਰੀ ਕਿਰਨ ਰਿਜਿਜੂ ਨੇ ਸੋਮਵਾਰ ਨੂੰ ਕਾਂਗਰਸ ਸੰਸਦ ਮੈਂਬਰ ਪੀ. ਚਿਦੰਬਰਮ ਦੀ ਟਿੱਪਣੀ ’ਤੇ ਕਾਂਗਰਸ ’ਤੇ ਇਕ ਹੋਰ ਹਮਲਾ ਕੀਤਾ ਕਿ ਜਿਸ ’ਚ ਉਨ੍ਹਾਂ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ “ਦਿਮਾਗੀ ਨਕਸਲੀ” ਬਿਆਨ ’ਤੇ ਤਨਜ਼ ਕੱਸਿਆ ਸੀ। ਰਿਜਿਜੂ ਨੇ ਕਿਹਾ ਕਿ ਪਾਰਟੀ ਨੂੰ ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਦੇ ਪਰਿਵਾਰ ਤੋਂ ਮੁਆਫ਼ੀ ਮੰਗਣੀ ਚਾਹੀਦੀ ਹੈ, ਜਿਨ੍ਹਾਂ ਨੇ ਕਿਹਾ ਸੀ ਕਿ ਮਾਓਵਾਦੀ ਸਮੱਸਿਆ ਭਾਰਤ ਲਈ ਹੁਣ ਤੱਕ ਦੀ ਸਭ ਤੋਂ ਵੱਡੀ ਅੰਦਰੂਨੀ ਸੁਰੱਖਿਆ ਚੁਣੌਤੀ ਸੀ। ਐਤਵਾਰ ਨੂੰ, ਰਿਜਿਜੂ ਨੇ ਚਿਦੰਬਰਮ ਦੇ ਬਿਆਨ ’ਤੇ ਪ੍ਰਤੀਕਿਰਿਆ ਦਿੱਤੀ ਸੀ ਕਿ “ਮੈਨੂੰ ‘ਦਿਮਾਗੀ ਨਕਸਲੀ’ ਹੋਣ ’ਤੇ ਮਾਣ ਹੈ”। ਇਹ ਬਿਆਨ ਮੋਦੀ ਦੇ ਆਜ਼ਾਦੀ ਦਿਵਸ ਦੇ ਭਾਸ਼ਨ ਤੋਂ ਬਾਅਦ ਆਇਆ ਹੈ, ਜਿਸ ’ਚ ਉਨ੍ਹਾਂ ਕਿਹਾ ਸੀ ਕਿ ਅਸੀਂ ਹਥਿਆਰਬੰਦ ਨਕਸਲੀਆਂ ਤੋਂ ਛੁਟਕਾਰਾ ਪਾਉਣ ’ਚ ਸਫਲ ਹੋਏ ਹਾਂ, ਪਰ ‘ਮਨੋਬਲ ਨਕਸਲੀ’ (ਬੌਧਿਕ ਨਕਸਲੀ) ਹਿੰਸਾ ਤੇ ਅਸ਼ਾਂਤੀ ਫੈਲਾਉਣ ਦੇ ਮੌਕੇ ਲੱਭ ਰਹੇ ਹਨ..। ਲਾਲ ਕਿਲ੍ਹੇ ਦੀ ਫਸੀਲ ਤੋਂ ਬੋਲਦੇ ਹੋਏ, ਮੋਦੀ ਨੇ ਕਿਹਾ ਸੀ ਕਿ ਦੇਸ਼ ਜੰਗਲਾਂ ਤੋਂ ਹਥਿਆਰਬੰਦ ਨਕਸਲਵਾਦ ਨੂੰ ਖਤਮ ਕਰਨ ’ਚ ਸਫਲ ਹੋ ਗਿਆ ਹੈ, ਪਰ ਚਿਤਾਵਨੀ ਦਿੱਤੀ ਕਿ ਇਸਦੇ ਵਿਚਾਰਧਾਰਕ ਸਮਰਥਕ ਹਿੰਸਾ ਤੇ ਅਰਾਜਕਤਾ ਨੂੰ ਉਤਸ਼ਾਹਿਤ ਕਰਨ ਦੇ ਮੌਕੇ ਲੱਭ ਰਹੇ ਹਨ। ਚਿਦੰਬਰਮ ਨੇ ਇਹ ਵੀ ਕਿਹਾ ਕਿ ‘ਮਨੋਬਲ ਨਕਸਲੀ’ ਸ਼ਬਦ ਭਾਜਪਾ ਦੇ ਪੁਰਾਣੇ ਦੋਸ਼ਾਂ ਦਾ ਇਕ ਨਵਾਂ ਰੂਪ ਸੀ - “ਸ਼ਹਿਰੀ ਨਕਸਲੀ,” “ਅੰਦੋਲਨਕਾਰੀ,” ਤੇ “ਟੁਕੜੇ-ਟੁਕੜੇ ਗੈਂਗ।”ਚਿਦੰਬਰਮ ਨੇ ਕਿਹਾ ਕਿ ਸ਼ਹਿਰੀ ਨਕਸਲੀ ਕੌਣ ਸਨ? ਅੰਦੋਲਨਕਾਰੀ ਕੌਣ ਸਨ? ‘ਟੁਕੜੇ-ਟੁਕੜੇ ਗੈਂਗ’ ਕੌਣ ਸਨ? ਇਹ ਪੁਰਾਣੀਆਂ ਗਾਲਾਂ ਵਿਰੋਧੀ ਧਿਰ ਦੇ ਮੈਂਬਰਾਂ ਵਿਰੁੱਧ ਵਰਤੀਆਂ ਜਾਂਦੀਆਂ ਸਨ। ‘ਮਨੋਬਲ ਨਕਸਲੀ’ ਉਨ੍ਹਾਂ ਗਾਲਾਂ ਦਾ ਇੱਕ ਨਵਾਂ ਰੂਪ ਹੈ।”ਰਿਜਿਜੂ ਨੇ ਸੋਮਵਾਰ ਨੂੰ ਕਿਹਾ ਕਿ ਮਨਮੋਹਨ ਸਿੰਘ ਨੇ ਪ੍ਰਧਾਨ ਮੰਤਰੀ ਹੁੰਦਿਆਂ 2006 ਵਿੱਚ ਨਕਸਲੀ ਮੁੱਦੇ ਨੂੰ ਪ੍ਰਮੁੱਖਤਾ ਨਾਲ ਉਠਾਇਆ ਸੀ।