ਰਾਹੁਲ ਗਾਂਧੀ ਦੀ ਪੁਣੇ ਦੀ ‘ਛਾਤਰੋਂ ਦੀ ਗੂੰਜ’ ਰੈਲੀ ਸਿਰਫ ਲੜਕੀਆਂ ਲਈ ਹੋਏਗੀ

ਨਵੀਂ ਦਿੱਲੀ, 17 ਅਗਸਤ (ਉਪਮਾ ਡਾਗਾ ਪਾਰਥ)- ਲੋਕ ਸਭਾ ’ਚ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਨੇ 22 ਅਗਸਤ ਨੂੰ ਪੁਣੇ ’ਚ ਹੋਣ ਵਾਲਾ ‘ਛਾਤਰੋਂ ਦੀ ਗੂੰਜ’ ਪ੍ਰੋਗਰਾਮ ਸਿਰਫ਼ ਲੜਕੀਆਂ ਲਈ ਰੱਖਣ ਦਾ ਐਲਾਨ ਕੀਤਾ ਹੈ। ਰਾਹੁਲ ਗਾਂਧੀ ਨੇ ਸੋਸ਼ਲ ਮੀਡੀਆ ਮੰਚ ਐਕਸ ’ਤੇ ਵੀਡੀਓ ਸਾਂਝਾ ਕਰਦਿਆਂ ਕਿਹਾ ਕਿ ਇਸ ਵਾਰ ਵਿਦਿਆਰਥਣਾਂ ਆਪਣੀ ਗੱਲ ਖੁੱਲ੍ਹ ਕੇ ਕਰਨਗੀਆਂ ਅਤੇ ਦੇਸ਼ ਉਨ੍ਹਾਂ ਦੀ ਆਵਾਜ਼ ਸੁਣੇਗਾ। ਰਾਹੁਲ ਗਾਂਧੀ ਨੇ ਸੋਸ਼ਲ ਮੀਡੀਆ ’ਤੇ ਪਾਏ ਸੰਦੇਸ਼ ’ਚ ਉਹ ਵੀਡੀਓ ਵੀ ਸਾਂਝੀ ਕੀਤੀ ਜਿਸ ’ਚ ਉਹ ਪ੍ਰਦਰਸ਼ਨਕਾਰੀ ਵਿਦਿਆਰਥੀਆਂ ਨਾਲ ਗੱਲ ਕਰ ਰਹੇ। ਉਨ੍ਹਾਂ ਕਿਹਾ ਕਿ ਭਾਰਤ ਦੇ ਨੌਜਵਾਨਾਂ ਨੇ ਮੋਦੀ ਜੀ ਦੇ ਹਿੰਸਕ ਸ਼ਾਸਨ ਦੇ ਸਾਹਮਣੇ ਜਿਸ ਬਹਾਦਰੀ ਅਤੇ ਮਜ਼ਬੂਤੀ ਨਾਲ ਖੜ੍ਹੇ ਹੋ ਕੇ ਜਵਾਬਦੇਹੀ ਦੀ ਮੰਗ ਕੀਤੀ ਉਹ ਕਾਬਲੇ ਤਾਰੀਫ਼ ਹੈ