ਅਮਰੀਕੀ ਨਾਗਰਿਕ ਸਮੇਤ 7 ਯੂਕਰੇਨੀਆਂ ਵਿਰੁੱਧ ਅੱਤਵਾਦ ਦੇ ਦੋਸ਼ ਨਹੀਂ ਹਟਾਏ ਗਏ

ਨਵੀਂ ਦਿੱਲੀ, 9 ਸਤੰਬਰ (ਏਜੰਸੀ)-ਐਨ.ਆਈ.ਏ. ਨੇ ਸੱਤ ਵਿਦੇਸ਼ੀ ਨਾਗਰਿਕਾਂ  (ਇਕ ਅਮਰੀਕੀ ਅਤੇ ਛੇ ਯੂਕਰੇਨੀ) ਵਿਰੁੱਧ ਗੈਰ-ਕਾਨੂੰਨੀ ਗਤੀਵਿਧੀਆਂ (ਰੋਕਥਾਮ) ਐਕਟ (ਯੂ.ਏ.ਪੀ.ਏ.) ਤਹਿਤ ਅੱਤਵਾਦ ਦੇ ਦੋਸ਼ ਵਾਪਸ ਨਹੀਂ ਲਏ ਅਤੇ ਅੱਤਵਾਦ ਵਿਰੋਧੀ ਕਾਨੂੰਨ ਤਹਿਤ ਇਸ ਦੀ ਜਾਂਚ ਜਾਰੀ ਹੈ। ਰਾਸ਼ਟਰੀ ਜਾਂਚ ਏਜੰਸੀ (ਐਨ.ਆਈ.ਏ.) ਨੇ ਅਮਰੀਕੀ ਨਾਗਰਿਕ ਮੈਥਿਊ ਆਰੋਨ ਵੈਨ ਡਾਈਕ ਅਤੇ ਛੇ ਯੂਕਰੇਨੀ ਲੋਕਾਂ ਵਿਰੁੱਧ ਇਮੀਗ੍ਰੇਸ਼ਨ ਅਤੇ ਵਿਦੇਸ਼ੀ ਐਕਟ (ਆਈ.ਐਫ.ਏ.) ਤਹਿਤ ਦੋਸ਼ਪੱਤਰ ਦਾਖ਼ਲ ਕੀਤਾ ਹੈ, ਕਿਉਂਕਿ  ਹੁਣ ਤੱਕ ਜਾਂਚ ਦੌਰਾਨ ਉਸ ਕਾਨੂੰਨ ਤਹਿਤ ਅਪਰਾਧ  ‘ਪੂਰੀ ਤਰ੍ਹਾਂ ਸਾਬਿਤ’ ਹੋ ਚੁੱਕੇ ਹਨ।