ਗੜ੍ਹਸ਼ੰਕਰ, 24 ਜਨਵਰੀ (ਧਾਲੀਵਾਲ)-ਪੋਸਟ ਆਫ਼ਿਸ ਗੜ੍ਹਸ਼ੰਕਰ ਦੇ ਇੰਸਪੈਕਟਰ ਪੋਸਟ ਗੁਰਦੇਵ ਸਿੰਘ ਨੇ ਡਾਕ ਘਰ ਦੀਆਂ ਸੇਵਾਵਾਂ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਹੁਣ ਡਾਕ ਘਰਾਂ ਤੋਂ ਕੋਰੀਅਰ ਕੰਪਨੀਆਂ ਦੀ ਤਰ੍ਹਾਂ ਘੱਟ ਰੇਟ 'ਤੇ ਵਿਦੇਸ਼ ਰਹਿੰਦੇ ਪਰਿਵਾਰਕ ਮੈਂਬਰਾਂ, ਰਿਸ਼ਤੇਦਾਰਾਂ ਨੂੰ ਸਮਾਨ ਭੇਜਿਆ ਜਾ ਸਕਦਾ ਹੈ | ਉਨ੍ਹਾਂ ਦੱਸਿਆ ਕਿ ਵਿਦੇਸ਼ ਲਈ ਸਾਮਾਨ ਭੇਜਣ ਵਾਸਤੇ ਪਾਰਸਲ, ਸਪੀਡ ਪੋਸਟ ਦੀਆਂ ਸੇਵਾਵਾਂ ਆਪਣੇ ਕਿਸੇ ਵੀ ਨੇੜਲੇ ਡਾਕ ਘਰ ਤੋਂ ਲਈਆਂ ਜਾ ਸਕਦੀਆਂ ਹਨ | ਉਨ੍ਹਾਂ ਦੱਸਿਆ ਕਿ ਡਾਕ ਘਰਾਂ 'ਚ ਇਹ ਸੁਵਿਧਾ ਪ੍ਰਾਈਵੇਟ ਕੋਰੀਅਰ ਕੰਪਨੀਆਂ ਨਾਲੋਂ ਘੱਟ ਰੇਟਾਂ ਵਿਚ ਦਿੱਤੀ ਜਾ ਰਹੀ ਹੈ | ਇਸ ਮੌਕੇ ਉਨ੍ਹਾਂ ਮੀਟਿੰਗ ਦੌਰਾਨ ਡਾਕ ਘਰਾਂ ਦੇ ਸਟਾਫ਼ ਨੂੰ ਸੁਵਿਧਾਵਾਂ ਬਾਰੇ ਜਾਗਰੂਕ ਕਰਦਿਆਂ ਗ੍ਰਾਹਕਾਂ ਨੂੰ ਵਧੀਆ ਸੇਵਾਵਾਂ ਦੇਣ ਲਈ ਪ੍ਰੇਰਿਤ ਕੀਤਾ | ਇਸ ਮੌਕੇ ਮੇਲ ਓਵਰਸੀਰ ਸੁਰਿੰਦਰ ਸਿੰਘ, ਆਫ਼ਿਸ ਅਸਿਸਟੈਂਟ ਨਾਨਕ ਸਿੰਘ, ਮਾਰਕੀਟਿੰਗ ਅਧਿਕਾਰੀ ਸ਼ਮਿੰਦਰ ਕੁਮਾਰ, ਮੇਲ ਓਵਰਸੀਰ ਤਜਿੰਦਰ ਸਿੰਘ ਹਾਜ਼ਰ ਹੋਏ |
