ਮੁਕੇਰੀਆਂ, 6 ਮਾਰਚ (ਰਾਮਗੜ੍ਹੀਆ)-ਜਿੱਥੇ ਪੰਜਾਬ ਸਰਕਾਰ ਵਲੋਂ ਪੰਜਾਬ ਵਿਚ ਭਿ੍ਸ਼ਟਾਚਾਰ ਦੇ ਖ਼ਿਲਾਫ਼ ਬਹੁਤ ਵਧੀਆ ਉਪਰਾਲੇ ਕੀਤੇ ਜਾ ਰਹੇ ਹਨ | ਭਿ੍ਸ਼ਟਾਚਾਰ ਨੂੰ ਨੱਥ ਪਾਉਣ ਲਈ ਪੰਜਾਬ ਵਿਚ ਕਈ ਅਫ਼ਸਰਾਂ ਨੂੰ ਰੰਗੇ ਹੱਥੀਂ ਵਿਜੀਲੈਂਸ ਵਲੋਂ ਫੜਿਆ ਵੀ ਜਾ ਚੁੱਕਾ ਹੈ, ਜਿਸ ਦੀ ਆਮ ਲੋਕਾਂ ਵਿਚ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਕਾਫ਼ੀ ਤਾਰੀਫ਼ ਹੋ ਰਹੀ ਹੈ, ਪਰ ਜੇਕਰ ਅਸੀਂ ਹਲਕਾ ਮੁਕੇਰੀਆਂ ਦੀ ਗੱਲ ਕਰੀਏ ਤਾਂ ਮੁਕੇਰੀਆਂ ਤਹਿਸੀਲ ਵਿਚ ਤਹਿਸੀਲਦਾਰ ਵਲੋਂ ਰਜਿਸਟਰੀ ਦੇ ਨਾਂਅ 'ਤੇ ਆਮ ਲੋਕਾਂ ਕੋਲੋਂ ਵਸੀਕਾ ਨਵੀਸਾ ਦੇ ਰਾਹੀਂ ਰਜਿਸਟਰੀ ਦੇ ਨਾਂਅ 'ਤੇ ਰੋਜ਼ਾਨਾ ਲੱਖਾਂ ਰੁਪਈਆਂ ਦੀ ਭਿ੍ਸ਼ਟਾਚਾਰੀ ਕੀਤੀ ਜਾ ਰਹੀ ਹੈ | ਹੋਰ ਤਾਂ ਹੋਰ 'ਆਪ' ਦੇ ਬਹੁਤ ਪੁਰਾਣੇ ਵਰਕਰਾਂ ਕੋਲੋਂ ਇਹ ਕਹਿ ਕੇ ਰਜਿਸਟਰੀਆਂ ਪਿੰਡ ਟਾਂਡਾ ਰਾਮ ਸਹਾਇ ਦੀਆਂ ਬੰਦ ਹਨ, ਉਸ ਕੋਲੋਂ 2 ਮਰਲੇ ਦੀ ਰਜਿਸਟਰੀ ਦਾ 35000 ਜਿਸ ਵਿਚ ਸਰਕਾਰੀ ਕਾਗ਼ਜ਼ ਤਕਰੀਬਨ 13,000 ਅਤੇ 10 ਮਰਲੇ ਦੀ ਰਜਿਸਟਰੀ ਦਾ 75000 ਜਿਸ ਵਿਚ ਸਰਕਾਰੀ ਕਾਗ਼ਜ਼ ਤਕਰੀਬਨ 40 ਹਜ਼ਾਰ ਦਾ ਲੱਗਿਆ ਹੈ | ਇਸੇ ਤਰ੍ਹਾਂ ਰੋਜ਼ਾਨਾ ਕਿੰਨੀਆਂ ਰਜਿਸਟਰੀਆਂ ਹੁੰਦੀਆਂ ਹਨ ਅਤੇ ਉਨ੍ਹਾਂ ਦਾ ਹਿਸਾਬ ਲੱਖਾਂ ਵਿਚ ਬਣਦਾ ਹੈ | ਉਨ੍ਹਾਂ ਨੇ ਪੰਜਾਬ ਦੇ ਰੈਵੀਨਿਊ ਮੰਤਰੀ ਪੰਜਾਬ ਪਾਸੋਂ ਮੰਗ ਕੀਤੀ ਕਿ ਇਸ ਤਹਿਸੀਲ ਦੀ ਵਿਜੀਲੈਂਸ ਜਾਂਚ ਕਰਵਾਈ ਜਾਵੇ ਤਾਂ ਜੋ ਸਰਕਾਰ ਦੀ ਚੰਗੀ ਛਵੀ ਲੋਕਾਂ ਵਿਚ ਬਰਕਰਾਰ ਰਹੇ |
