ਬੀਣੇਵਾਲ, 7 ਮਾਰਚ (ਬੈਜ ਚੌਧਰੀ)-ਸਿਵਲ ਸਰਜਨ ਹੁਸ਼ਿਆਰਪੁਰ ਦੇ ਹੁਕਮਾਂ ਅਨੁਸਾਰ ਅਤੇ ਐਸ.ਐਮ.ਓ. ਪੀ.ਐਚ.ਸੀ. ਪੋਸੀ ਦੀ ਅਗਵਾਈ ਵਿਚ ਸਰਕਾਰ ਵਲੋਂ ਸ਼ੁਰੂ ਕਰਵਾਈ ਜਾ ਰਹੀ ਐਚ.ਪੀ.ਵੀ. ਵੈਕਸੀਨ ਦੀ ਸ਼ੁਰੂਆਤ ਪੀ.ਐਚ.ਸੀ. ਪੋਸੀ ਅਤੇ ਸੀ.ਐਚ.ਸੀ. ਝੁੰਗੀਆਂ (ਬੀਣੇਵਾਲ) 'ਚ ਡਾ: ਨਿਰਮਲ ਕੁਮਾਰ ਐਸ.ਐਮ.ਓ. ਵਲੋਂ ਕਰਵਾਈ ਗਈ | ਇਸ ਮੌਕੇ ਡਾ: ਨਿਰਮਲ ਕੁਮਾਰ ਨੇ ਦੱਸਿਆ ਕਿ ਇਹ ਪੰਜਾਬ ਸਰਕਾਰ ਦਾ ਬਹੁਤ ਹੀ ਸ਼ਲਾਘਾਯੋਗ ਉਪਰਾਲਾ ਹੈ | ਇਹ ਟੀਕਾ ਉਨ੍ਹਾਂ ਲੜਕੀਆਂ ਨੂੰ ਲਗਾਇਆ ਜਾਵੇਗਾ ਜਿਨ੍ਹਾਂ ਨੇ ਆਪਣਾ 14ਵਾਂ ਜਨਮ ਦਿਨ ਮਨਾ ਲਿਆ ਹੈ ਅਤੇ 15ਵਾਂ ਸਾਲ ਸ਼ੁਰੂ ਹੋ ਚੁੱਕਾ ਹੈ | ਜੇਕਰ 15ਵਾਂ ਸਾਲ ਪੁਰਾ ਹੋਣ 'ਚ 90 ਦਿਨ ਬਾਕੀ ਹਨ ਤਾਂ ਵੀ ਇਹ ਟੀਕਾ ਲਗ ਸਕਦਾ ਹੈ | ਇਹ ਟੀਕਾ ਸਰਵਾਈਕ ਕੈਂਸਰ (ਬੱਚੇਦਾਨੀ ਦੇ ਮੂੰਹ ਦਾ ਕੈਂਸਰ) ਤੋਂ ਬਚਾਅ ਕਰਦਾ ਹੈ | ਇਸ ਮੌਕੇ ਕੇਵਲ ਸਿੰਘ ਸੀਨੀਅਰ ਹੈਲਥ ਇੰਸਪੈਕਟਰ, ਮੱਖਣ ਸਿੰਘ, ਰਜਿੰਦਰ ਕੌਰ ਐਲ.ਐਚ.ਵੀ., ਪੂਜਾ ਰਾਣੀ ਏ.ਐਨ.ਐਮ., ਮੁਕੇਸ਼ ਕੁਮਾਰ ਅਤੇ ਸੀ.ਐਚ.ਸੀ. ਦਾ ਸਟਾਫ਼ ਤੇ ਪਿੰਡ ਵਾਸੀ ਹਾਜ਼ਰ ਸਨ |
