ਮੁਕੇਰੀਆਂ, 3 ਅਪ੍ਰੈਲ (ਰਾਮਗੜ੍ਹੀਆ)-ਸਵਾਮੀ ਪ੍ਰੇਮਾਨੰਦ ਐੱਸ. ਐੱਸ. ਏ. ਪਬਲਿਕ ਸਕੂਲ ਵਿਚ ਨਵੇਂ ਸੈਸ਼ਨ 2026-27 ਦੀ ਸ਼ੁਰੂਆਤ ਹਵਨਯੱਗ ਨਾਲ ਹੋਈ | ਹਵਨ ਵਿਚ ਕਮੇਟੀ ਦੇ ਉਪ ਪ੍ਰਧਾਨ ਅਜੀਤ ਨਾਰੰਗ, ਮੈਨੇਜਰ ਸਜੀਵ ਆਨੰਦ, ਸਕੱਤਰ ਅਤੇ ਵਿਧਾਇਕ ਜੰਗੀ ਲਾਲ ਮਹਾਜਨ, ਕਮੇਟੀ ਮੈਂਬਰ ਵਿਨੇ ਗੁਪਤਾ, ਬਰਜਿੰਦਰ ਅਤੇ ਡਾਕਟਰ ਰਜੇਸ਼ ਲਖਨਪਾਲ ਨੇ ਸ਼ਿਰਕਤ ਕੀਤੀ | ਪਿ੍ੰਸੀਪਲ ਪ੍ਰੀਆ ਠਾਕਰ ਨੇ ਨਵੇਂ ਸੈਸ਼ਨ ਦੀ ਸਕਾਰਾਤਮਕ ਸ਼ੁਰੂਆਤ ਅਤੇ ਵਿਦਿਆਰਥੀਆਂ ਵਿਚ ਕਦਰਾਂ ਕੀਮਤਾਂ ਪੈਦਾ ਕਰਨ ਦੀ ਕਾਮਨਾ ਕੀਤੀ | ਉਨ੍ਹਾਂ ਵਿਦਿਆਰਥੀਆਂ ਵਿੱਚ ਚੰਗੇ ਮੁੱਲ ਵਿਕਸਿਤ ਕਰਨ ਅਤੇ ਚੰਗੀ ਸਿੱਖਿਆ ਲਈ ਪਰਮਾਤਮਾ ਦੇ ਅਸ਼ੀਰਵਾਦ ਦੀ ਅਰਦਾਸ ਕੀਤੀ | ਅਜੀਤ ਨਰੰਗ ਨੇ ਇਸ ਸਭ 'ਤੇ ਕਿਹਾ ਕਿ ਅਗਲੇ ਸਾਲ ਤੋਂ ਸਕੂਲ ਵਿੱਚ ਗਿਆਰਵੀਂ ਦੀ ਜਮਾਤ ਸ਼ੁਰੂ ਕਰ ਦਿੱਤੀ ਜਾਵੇਗੀ | ਜੰਗੀ ਲਾਲ ਮਹਾਜਨ ਨੇ ਬੱਚਿਆਂ ਦੇ ਉਜਵਲ ਭਵਿੱਖ ਦੀ ਕਾਮਨਾ ਕੀਤੀ | ਸਕੂਲ ਦੇ ਮੈਨੇਜਰ ਸੰਜੀਵ ਆਨੰਦ ਨੇ ਕਿਹਾ ਕਿ ਹਵਨ ਯੱਗ ਦੇ ਦੁਆਰਾ ਸਕਾਰਾਤਮਕ ਵਾਤਾਵਰਨ ਦੇ ਨਾਲ ਇੱਕ ਖੁਸ਼ਹਾਲ ਅਤੇ ਨਵੇਂ ਸੈਸ਼ਨ ਦੀ ਸ਼ੁਰੂਆਤ ਹੁੰਦੀ ਹੈ | ਇਹ ਹਵਨ ਸਾਨੂੰ ਭਾਰਤੀ ਸੱਭਿਆਚਾਰ ਨਾਲ ਜੋੜਦਾ ਹੈ | ਸਕੂਲ ਸਟਾਫ ਅਤੇ ਸਕੂਲ ਪ੍ਰਬੰਧਨ ਨੇ ਉਤਸ਼ਾਹ ਨਾਲ ਅਹੂਤੀਆਂ ਪਾਈਆਂੇ ਇਸ ਮੌਕੇ 'ਤੇ ਜਲ ਪਾਨ ਦਾ ਪ੍ਰਬੰਧ ਵੀ ਕੀਤਾ ਗਿਆ |
