ਗੜ੍ਹਸ਼ੰਕਰ, 10 ਅਪ੍ਰੈਲ (ਧਾਲੀਵਾਲ)-ਤਹਿਸੀਲ ਕੰਪਲੈਕਸ ਫੀਡਰ ਗੜ੍ਹਸ਼ੰਕਰ ਦੀ ਜ਼ਰੂਰੀ ਮੁਰੰਮਤ ਹੋਣ ਕਾਰਨ ਮਿਤੀ 11 ਅਪ੍ਰੈਲ 2026 ਨੂੰ ਸਵੇਰੇ 10 ਵਜੇ ਤੋਂ ਦੁਪਹਿਰ 2 ਵਜੇ ਤੱਕ ਹੁਸ਼ਿਆਰਪੁਰ ਰੋਡ, ਸਰਕਾਰੀ ਅਦਾਰੇ, ਬਾਜ਼ਾਰ, ਕਲੋਨੀਆਂ, ਰੈਸਟ ਹਾਊਸ, ਦਾਣਾ ਮੰਡੀ ਖੇਤਰ ਦੀ ਬਿਜਲੀ ਸਪਲਾਈ ਬੰਦ ਰਹੇਗੀ | ਇਸੇ ਤਰ੍ਹਾਂ 11 ਅਪ੍ਰੈਲ ਨੂੰ 66 ਕੇ. ਵੀ. ਸਬ-ਸਟੇਸ਼ਨ ਮੋਇਲਾ ਤੋਂ ਚੱਲਦੇ 11 ਕੇ.ਵੀ. ਅਕਾਲਗੜ੍ਹ ਫੀਡਰ ਯੂ.ਪੀ.ਐੱਸ. ਫੀਡਰ, 11 ਕੇ.ਵੀ. ਬਡੇਸਰੋਂ ਕੰਢੀ ਏ. ਪੀ. ਫੀਡਰ, 66 ਕੇ. ਵੀ. ਸਬ-ਸਟੇਸ਼ਨ ਸੈਲਾ ਖ਼ੁਰਦ ਤੋਂ ਚੱਲਦੇ 11 ਕੇ.ਵੀ. ਹਾਜੀਪੁਰ, ਕੰਢੀ ਫੀਡਰ ਦੀ ਜ਼ਰੂਰੀ ਮੁਰੰਮਤ ਹੋਣ ਕਰਕੇ ਬਿਜਲੀ ਸਪਲਾਈ ਸਵੇਰੇ 10 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਬੰਦ ਰਹੇਗੀ | ਇਸ ਦੌਰਾਨ ਫੀਡਰ 'ਤੇ ਪੈਂਦੇ ਪਿੰਡ ਗੋਲੀਆਂ, ਬਡੇਸਰੋਂ, ਮੋਇਲਾ ਵਾਹਿਦਪੁਰ ਦੇ ਟਿਊਬਵੈਲ ਕੁਨੈਕਸ਼ਨਾਂ ਦੀਆਂ ਮੋਟਰਾਂ ਦੀ ਬਿਜਲੀ ਸਪਲਾਈ, ਪਿੰਡ ਅਕਾਲਗੜ੍ਹ, ਮੋਰਾਂਵਾਲੀ, ਜੀਵਨਪੁਰ ਗੁੱਜਰਾਂ, ਫਤਹਿਪੁਰ ਖ਼ੁਰਦ, ਐਮਾਂ ਮੁਗ਼ਲਾਂ ਦੇ ਘਰਾਂ ਦੀ ਬਿਜਲੀ ਸਪਲਾਈ ਅਤੇ ਪਿੰਡ ਰਾਮਪੁਰ ਬਿਲੜੋ ਦੇ ਘਰਾਂ ਅਤੇ ਟਿਊਬਵੈੱਲ ਕੁਨੈਕਸ਼ਨਾਂ ਦੀਆਂ ਮੋਟਰਾਂ ਦੀ ਬਿਜਲੀ ਸਪਲਾਈ ਬੰਦ ਰਹੇਗੀ | ਇਹ ਜਾਣਕਾਰੀ ਇੰਜ. ਲਾਜਪਤ ਰਾਏ ਸਹਾਇਕ ਕਾਰਜਕਾਰੀ ਇੰਜੀਨੀਅਰ ਦਿਹਾਤੀ ਉਪ ਮੰਡਲ ਗੜ੍ਹਸ਼ੰਕਰ ਵਲੋਂ ਦਿੱਤੀ ਗਈ |
