ਕੋਟਫ਼ਤੂਹੀ, 10 ਅਪ੍ਰੈਲ (ਅਟਵਾਲ)-ਪਿੰਡ ਢਾਂਡਾ ਕਲਾਂ ਦੀ ਕੁਟੀਆ ਸੰਤ ਬਾਬਾ ਅਤਰ ਦਾਸ ਦੇ ਅਸਥਾਨ ਤੇ ਸਮੂਹ ਨਗਰ ਨਿਵਾਸੀਆਂ, ਗ੍ਰਾਮ ਪੰਚਾਇਤ, ਪ੍ਰਵਾਸੀ ਭਾਰਤੀਆਂ ਦੇ ਸਹਿਯੋਗ ਨਾਲ ਸੰਤ ਬਾਬਾ ਅਤਰ ਦਾਸ ਦੀ ਯਾਦ ਵਿਚ ਸੰਤ ਚਰਨ ਦਾਸ ਦੇ ਪਰਿਵਾਰ ਵੱਲੋਂ ਸਾਲਾਨਾ ਜੋੜ ਮੇਲੇ ਤੇ ਧਾਰਮਿਕ ਸਮਾਗਮ ਸ਼ਰਧਾ ਭਾਵਨਾ ਨਾਲ ਕਰਵਾਏ ਗਏ | ਇਸ ਮੌਕੇ ਸੁਖਮਨੀ ਸਾਹਿਬ ਦੇ ਪਾਠ ਦੇ ਭੋਗ ਪਾਏ ਗਏ | ਉਪਰੰਤ ਧਾਰਮਿਕ ਸਮਾਗਮ ਵਿਚ ਭਾਈ ਅਮਰਿੰਦਰ ਸਿੰਘ ਬੁੱਗਰਾ, ਭਾਈ ਭੁਪਿੰਦਰ ਸਿੰਘ ਕੋਟਫ਼ਤੂਹੀ, ਕਾਕਾ ਦਮਨਪ੍ਰੀਤ ਸਿੰਘ ਆਦਿ ਨੇ ਸੰਗਤਾਂ ਨੂੰ ਗੁਰਬਾਣੀ ਨਾਲ ਨਿਹਾਲ ਕੀਤਾ | ਇਸ ਮੌਕੇ ਹਰਪ੍ਰੀਤ ਸਿੰਘ ਢਾਂਡਾ ਕਲਾਂ, ਰਸ਼ਪਾਲ ਸਿੰਘ ਰਾਜੂ, ਗੁਰਨਾਮ ਸਿੰਘ, ਰਵੀ ਦੱਤ, ਹਰਿੰਦਰ ਸਿੰਘ ਹਰੀ ਗੁਰਟੇਕ ਸਿੰਘ ਏ. ਐੱਸ. ਆਈ, ਵਿਜੈ ਬਾਬਾ, ਪਰਮਜੀਤ ਸਿੰਘ ਰੱਕੜ, ਗੁਰਨਾਮ ਸਿੰਘ, ਰੇਸ਼ਮ ਸਿੰਘ, ਮੋਹਨ ਲਾਲ, ਸੁਖਜੀਵਨ ਸਿੰਘ, ਬਲਵਿੰਦਰ ਸਿੰਘ ਆਦਿ ਹਾਜ਼ਰ ਸਨ |
