ਮਾਹਿਲਪੁਰ, 5 ਮਈ (ਰਜਿੰਦਰ ਸਿੰਘ)-ਬੀਤੀ ਦੇਰ ਰਾਤ ਕਰੀਬ 11.30 ਵਜੇ ਮਾਹਿਲਪੁਰ ਦੇ ਬਾਹਰ ਜੇਜੋਂ ਰੋਡ 'ਤੇ ਪਿੰਡ ਖ਼ਾਨਪੁਰ ਵਿਖੇ ਇਕ ਗ਼ਲਤ ਸਾਈਡ ਤੋਂ ਆ ਰਹੇ ਟਰੈਕਟਰ ਨੂੰ ਬਚਾਉਂਦੇ ਹੋਏ ਬੇਕਾਬੂ ਹੋਇਆ ਕਰੈਸ਼ਰ ਰੇਤੇ ਨਾਲ ਲੱਦਿਆ ਟਰਾਲਾ ਪਲਟ ਗਿਆ ਹਾਲਾਂਕਿ ਜਾਨੀ ਨੁਕਸਾਨ ਤੋਂ ਬਚਾਅ ਰਿਹਾ | ਜਾਣਕਾਰੀ ਅਨੁਸਾਰ ਚਾਲਕ ਬੱਬਲੂ ਵਾਸੀ ਉੱਤਰ ਪ੍ਰਦੇਸ਼ ਹਾਲ ਵਾਸੀ ਰਾਮਪੁਰ (ਬਠਿੰਡਾ) ਨੇ ਦੱਸਿਆ ਕਿ ਉਹ ਗਿੱਲ ਟਰਾਂਸ ਕੰਪਨੀ ਰਾਮਪੁਰਾ ਦਾ ਟਰਾਲਾ ਚਲਾਉਣ ਕੰਮ ਕਰਦਾ ਹੈ | ਬੀਤੀ ਰਾਤ ਉਹ ਜੇਜੋਂ ਵਿਖੇ ਚੱਲ ਰਹੇ ਕਰੈਸ਼ਰ ਤੋਂ ਰੇਤਾ ਲੱਦ ਕੇ ਬਠਿੰਡਾ ਵੱਲ ਨੂੰ ਜਾ ਰਿਹਾ ਸੀ ਅਚਾਨਕ ਉਕਤ ਸਥਾਨ 'ਤੇ ਸਾਹਮਣੇ ਤੋਂ ਇਕ ਗ਼ਲਤ ਸਾਈਡ ਟਰੈਕਟਰ ਆ ਗਿਆ, ਜਿਸ ਨੂੰ ਬਚਾਉਂਦੇ ਹੋਏ ਉਸ ਦਾ ਟਰਾਲਾ ਪਲਟ ਗਿਆ | ਉਸ ਨੇ ਦੱਸਿਆ ਕਿ ਉਸ ਦੇ ਮਾਮੂਲੀ ਸੱਟਾ ਲੱਗੀਆਂ ਪਰ ਕਿਸੇ ਵੀ ਜਾਨੀ ਨੁਕਸਾਨ ਤੋਂ ਬਚਾਅ ਰਿਹਾ |
