ਮਾਹਿਲਪੁਰ, 11 ਜੂਨ (ਰਜਿੰਦਰ ਸਿੰਘ)-ਥਾਣਾ ਮਾਹਿਲਪੁਰ ਦੀ ਪੁਲਿਸ ਨੇ ਇਕ ਵਿਅਕਤੀ ਦੀ ਤੇਜ਼ਧਾਰ ਹਥਿਆਰਾਂ ਕੁੱਟਮਾਰ ਕਰਨ ਵਾਲੇ 5 ਵਿਅਕਤੀਆਂ ਨੂੰ ਨਾਮਜ਼ਦ ਕੀਤਾ | ਜਾਣਕਾਰੀ ਅਨੁਸਾਰ ਜਸ਼ਨ ਕਲੇਰ ਪੁੱਤਰ ਹਰਵਿੰਦਰ ਸਿੰਘ ਵਾਸੀ ਪੱਦੀ ਸੂਰਾ ਸਿੰਘ ਨੇ ਥਾਣਾ ਮਾਹਿਲਪੁਰ ਨੂੰ ਦਿੱਤੀ ਦਰਖਾਸਤ 'ਚ ਦੱਸਿਆ ਕਿ ਉਹ 8 ਜੂਨ ਦੀ ਸ਼ਾਮ ਨੂੰ ਆਪਣੇ ਮੋਟਰਸਾਈਕਲ (ਪੀ. ਬੀ. 24 ਐਫ-3351) 'ਤੇ ਸਵਾਰ ਹੋ ਕੇ ਨਿੱਜੀ ਕੰਮ ਲਈ ਜਾਂਦੇ ਸਮੇਂ ਆਪਣੇ ਪਿੰਡ ਦੀ ਦਾਣਾ ਮੰਡੀ ਤੋਂ ਪਿੰਡ ਦੇ ਗੇਟ ਨਜ਼ਦੀਕ ਪੁੱਜਾ ਤਾਂ ਵੰਸ਼ ਵਾਸੀ ਬਡੇਸਰੋ ਨੇ ਮੇਰੇ ਮੋਟਰਸਾਈਕਲ ਦੇ ਅੱਗੇ ਆ ਕੇ ਰੋਕ ਕੇ ਉਸ ਦੀ ਸੱਜੀ ਬਾਹ ਮਰੌੜ ਕੇ ਲੋਹੇ ਦੇ ਕੜੇ ਨਾਲ ਉਸ ਦੇ ਸਿਰ 'ਤੇ ਵਾਰ ਕੀਤਾ, ਜਿਸ ਕਾਰਨ ਉਹ ਆਪਣੇ ਮੋਟਰਸਾਈਕਲ ਸਮੇਤ ਹੇਠਾਂ ਡਿਗ ਗਿਆ | ਫਿਰ ਵੰਸ਼ ਬਡੇਸਰੋ ਤਲਵਾਰ ਉਸ ਦੇ ਸਿਰ 'ਤੇ ਮਾਰਨ ਲੱਗਾ ਤਾਂ ਉਸ ਨੇ ਆਪਣੇ ਬਚਾ ਲਈ ਖੱਬਾ ਹੱਥ ਅੱਗੇ ਕੀਤਾ, ਜਿਸ ਨਾਲ ਉਸ ਦੀ ਚੀਚੀ ਵਾਲੀ ਉਂਗਲ ਵੱਢੀ ਗਈ | ਫਿਰ ਵੰਸ਼ ਬਡੇਸਰੋ ਨੇ ਵਾਰ ਕੀਤੇ ਤੇ ਵੰਸ਼ ਦੇ ਨਾਲ ਹੋਰ ਆਏ ਸਾਥੀ ਵੰਸ਼ ਵਾਸੀ ਪੈਸਰਾ, ਰੋਬਿਨ ਡਾਨਸੀਵਾਲ, ਦਵਿੰਦਰ ਬਾਜਾ ਡਾਨਸੀਵਾਲ, ਅਰੁਣ ਦਦਿਆਲ ਅਤੇ ਹੋਰ ਤਿੰਨ-ਚਾਰ ਅਣਪਛਾਤੇ ਵਿਅਕਤੀਆਂ, ਜਿਨ੍ਹਾਂ ਨੂੰ ਉਹ ਸਾਹਮਣੇ ਆਉਣ 'ਤੇ ਪਹਿਚਾਣ ਸਕਦਾ ਹੈ, ਨੇ ਉਸ ਨਾਲ ਕੁੱਟਮਾਰ ਕੀਤੀ | ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ |
