ਮੁੱਲਾਂਪੁਰ-ਦਾਖਾ, 14 ਅਪ੍ਰੈਲ (ਨਿਰਮਲ ਸਿੰਘ ਧਾਲੀਵਾਲ)-ਪੰਜਾਬ 'ਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਹੁੰਦਿਆਂ ਜਿਥੇ ਅਮਨ ਕਾਨੂੰਨ ਸਥਿਤੀ ਬਦ ਤੋਂ ਬਦਤਰ ਹੋਈ ਪਈ ਹੈ, ਦਿਨ ਦਿਹਾੜੇ ਫਿਰੌਤੀ, ਕਤਲ, ਲੁੱਟ-ਖੋਹ ਘਟਨਾਵਾਂ ਆਮ ਹੋ ਗਈਆਂ, ਉਥੇ ਰਾਜ 'ਚ ਵਿਕਾਸ ਨਾਂਅ ਦੀ ਕੋਈ ਚੀਜ਼ ਨਹੀਂ, ਵਿਕਾਸ ਪੱਖੋਂ ਹਲਕਾ ਦਾਖਾ ਦੇ ਬਹੁਤਾਦ ਪਿੰਡ ਲਾਵਾਰਿਸ ਹੋਏ ਪਏ ਹਨ, ਇਹ ਪ੍ਰਗਟਾਵਾ ਸ਼੍ਰੋਮਣੀ ਅਕਾਲੀ ਦਲ (ਬ) ਦੇ ਹਲਕਾ ਦਾਖਾ ਇੰਚਾਰਜ ਜਸਕਰਨ ਸਿੰਘ ਦਿਓਲ ਨੇ ਪਿੰਡ ਜਾਂਗਪੁਰ 'ਚ ਅਧੂਰੇ ਵਿਕਾਸ ਕੰਮਾਂ ਦਾ ਜਾਇਜ਼ਾ ਲੈਣ ਉਪਰੰਤ ਪਾਰਟੀ ਨਾਲ ਜੁੜੇ ਵਰਕਰਾਂ ਨੂੰ ਮਿਲਦਿਆਂ ਕੀਤਾ | ਖ਼ਾਲਸਾ ਸਾਜਨਾ ਦਿਵਸ ਤੇ ਵਿਸਾਖੀ ਦੇ ਪਵਿੱਤਰ ਦਿਹਾੜੇ ਦੀਆਂ ਹਲਕਾ ਨਿਵਾਸੀਆਂ ਨੂੰ ਮੁਬਾਰਕਾਂ ਦਿੰਦਿਆਂ ਉਨ੍ਹਾਂ ਕਿਹਾ ਕਿ ਅਗਲੇ ਕੁਝ ਮਹੀਨਿਆਂ 'ਚ ਸੱਤ੍ਹਾ ਤਬਦੀਲੀ ਸਮੇਂ ਪੰਜਾਬ 'ਚ ਸ਼੍ਰੋਮਣੀ ਅਕਾਲੀ ਦਲ (ਬ) ਦੀ ਸਰਕਾਰ ਬਣਾਉਣ ਲਈ ਹਰ ਵਰਗ ਕਾਹਲਾ ਹੈ | ਪਿੰਡ ਜਾਂਗਪੁਰ 'ਚ ਪਛੜੇ ਪਰਿਵਾਰਾਂ ਦੀ ਰਿਹਾਇਸ਼ਗਾਹ ਵਾਲੇ ਮੁਹੱਲਿਆਂ 'ਚ ਬੇਤਰਤੀਬੇ ਵਿਕਾਸ ਨੂੰ ਲੈ ਕੇ ਜਸਕਰਨ ਸਿੰਘ ਦਿਓਲ ਨੇ ਕਿਹਾ ਕਿ ਗਲੀਆਂ-ਨਾਲੀਆਂ ਦਾ ਨਵੀਂਨੀਕਰਨ ਪਹਿਲ ਦੇ ਅਧਾਰ 'ਤੇ ਹੋਵੇਗਾ | ਸ਼੍ਰੋਮਣੀ ਅਕਾਲੀ ਦਲ ਵਲੋਂ ਘਰ-ਘਰ ਮਿਲਣੀ ਪ੍ਰੋਗਰਾਮ ਤਹਿਤ ਬੂਥ ਪੱਧਰ ਤੱਕ ਪਿੰਡ-ਪਿੰਡ ਜਾ ਰਹੇ ਜਸਕਰਨ ਸਿੰਘ ਦਿਓਲ ਦੇ ਪਿੰਡ ਜਾਂਗਪੁਰ ਸਮੇਤ ਕਈ ਹੋਰ ਪਿੰਡਾਂ 'ਚ ਜਾਣ ਸਮੇਂ ਗੁਰਦੀਪ ਸਿੰਘ ਫੱਲੇਵਾਲ, ਅਮਨਦੀਪ ਸਿੰਘ ਅਮਨਾ ਸਵੱਦੀ, ਹਰਿੰਦਰ ਸਿੰਘ ਈਸੇਵਾਲ, ਅੰਮਿ੍ਤਪਾਲ ਸਿੰਘ ਖੰਡੂਰ, ਨਿਰਮਲ ਸਿੰਘ ਰਤਨ, ਗੁਰਦੀਪ ਸਿੰਘ ਸਵੱਦੀ ਸਮੇਤ ਵੱਡੀ ਗਿਣਤੀ ਵਿਚ ਸ਼੍ਰੋਮਣੀ ਅਕਾਲੀ ਦਲ (ਬ) ਦੇ ਹੋਰ ਅਹੁਦੇਦਾਰ-ਵਰਕਰ ਮੌਜੂਦ ਰਹੇ |
