ਮੁੱਲਾਂਪੁਰ-ਦਾਖਾ/ਗੁਰੂਸਰ ਸਧਾਰ, 1 ਜੂਨ (ਨਿਰਮਲ ਸਿੰਘ ਧਾਲੀਵਾਲ)-ਮੁੱਲਾਂਪੁਰ-ਸੁਧਾਰ ਰਾਜਮਾਰਗ 'ਤੇ ਪਿੰਡ ਬੋਪਾਰਾਏ ਕਲਾਂ/ਬੁਢੇਲ ਨਜ਼ਦੀਕ ਅੱਜ ਸਵੇਰ ਮੁੱਲਾਂਪੁਰ ਸਾਈਡ ਤੋਂ ਜਾ ਰਹੀ ਬਰੀਜਾ ਕਾਰ ਦੀ ਐਕਟਿਵਾ ਸਕੂਟਰੀ ਨਾਲ ਟੱਕਰ ਹੋ ਗਈ | ਅਚਾਨਕ ਵਾਪਰੇ ਇਸ ਸੜਕੀ ਹਾਦਸੇ ਦੌਰਾਨ ਜਿੱਥੇ ਐਕਟਿਵਾ ਸਕੂਟਰ ਸਵਾਰ ਗੰਭੀਰ ਰੂਪ ਜ਼ਖ਼ਮੀ ਹੋ ਗਿਆ, ਉੱਥੇ ਇਸ ਹਾਦਸੇ ਨੂੰ ਰੋਕਣ ਲਈ ਕਾਰ ਚਾਲਕ ਵਲੋਂ ਤੇਜ਼ ਬ੍ਰੇਕ ਨਾਲ ਸੜਕ ਕਿਨਾਰੇ ਘੁੰਮਦਿਆਂ ਕਾਰ ਇਕ ਦਰੱਖ਼ਤ ਨਾਲ ਜਾ ਟਕਰਾਈ | ਕਾਰ ਦਰੱਖ਼ਤ ਵਿਚ ਲੱਗਣ ਕਰਕੇ ਜਿੱਥੇ ਗੱਡੀ ਕਾਫ਼ੀ ਨੁਕਸਾਨੀ ਗਈ, ਉੱਥੇ ਕਾਰ ਸਵਾਰ ਚਾਲਕ ਗੰਭੀਰ ਜ਼ਖ਼ਮੀ ਹੋ ਗਿਆ | ਗੱਡੀ ਵਿਚ ਬੈਠੀ ਇਕ ਲੜਕੀ ਨੂੰ ਮਾਮੂਲੀ ਸੱਟ ਲੱਗੀ | ਘਰਾਂ ਦੀ ਆਬਾਦੀ ਦੇ ਨੇੜੇ ਹੋਏ ਸੜਕੀ ਹਾਦਸੇ ਸਮੇਂ ਨੇੜਲੇ ਕੁਝ ਲੋਕਾਂ ਬੜੀ ਮੁਸ਼ਕਿਲ ਨਾਲ ਜਿੱਥੇ ਕਾਰ 'ਚ ਫਸੇ ਕਾਰ ਚਾਲਕ ਨੂੰ ਬਾਹਰ ਕੱਢਿਆ, ਉਥੇ ਸਕੂਟਰੀ ਚਾਲਕ ਬਜ਼ੁਰਗ ਨੂੰ ਸੰਭਾਲਦਿਆਂ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ | ਸੜਕ ਹਾਦਸੇ ਦੀ ਇਤਲਾਹ ਜਦ ਸੁਧਾਰ ਪੁੁਲਿਸ ਨੂੰ ਲੱਗੀ ਤਾਂ ਪੁਲਿਸ ਅਤੇ ਸੜਕ ਸੁਰੱਖਿਆ ਫੋਰਸ ਪੁਲਿਸ ਵਿੰਗ ਦੇ ਕਰਮਚਾਰੀ ਘਟਨਾ ਸਥਾਨ 'ਤੇ ਪਹੁੰਚੇ |
