ਸ੍ਰੀ ਸਿੱਧੇਸ਼ਵਰ ਸ਼ਿਵ ਮੰਦਰ ਵਿਖੇ ਧਰਮਧਵੱਜ ਲਹਿਰਾਇਆ

ਅ

ਅਜੀਤ ਡੈਸਕ 02-01-2026

ਹੁਸ਼ਿਆਰਪੁਰ, 1 ਜਨਵਰੀ (ਹਰਪ੍ਰੀਤ ਕੌਰ)-ਸ੍ਰੀ ਸਿੱਧੇਸ਼ਵਰ ਸ਼ਿਵ ਮੰਦਰ ਬੱਸੀ ਗੁਲਾਮ ਹੁਸੈਨ ਵਿਖੇ ਪ੍ਰਸਤਾਵਿਤ 1101 ਕੁੰਡੀਆ ਰੁਦਰ ਮਹਾਯੱਗ ਦੇ ਤਹਿਤ ਨਿਰਮਾਣ ਅਧੀਨ ਯੱਗਸ਼ਾਲਾ ਦੇ ਮੁੱਖ ਕੁੰਡ 'ਚ ਧਰਮਧਵੱਜ ਲਹਿਰਾਉਣ ਦੀ ਰਸਮ ਸਵਾਮੀ ਉਦੈਗਿਰੀ ਮਹਾਰਾਜ ਦੀ ਹਾਜ਼ਰੀ ਵਿੱਚ ਸੰਪੰਨ ਹੋਈ | ਇਸ ਮੌਕੇ ਵਿਧਾਇਕ ਬ੍ਰਹਮ ਸ਼ੰਕਰ ਜਿੰਪਾ, ਡਿਪਟੀ ਕਮਿਸ਼ਨਰ ਆਸ਼ਿਕਾ ਜੈਨ, ਸਹਾਇਕ ਕਮਿਸ਼ਨਰ ਓਇਸ਼ੀ ਮੰਡਲ, ਮੇਅਰ ਸੁਰਿੰਦਰ ਕੁਮਾਰ ਅਤੇ ਸਾਬਕਾ ਸੰਸਦ ਮੈਂਬਰ ਅਵਿਨਾਸ਼ ਰਾਏ ਖੰਨਾ ਵਿਸ਼ੇਸ਼ ਤੌਰ 'ਤੇ ਮੌਜੂਦ ਸਨ | ਇਸ ਮੌਕੇ ਵਿਧਾਇਕ ਜਿੰਪਾ ਨੇ ਕਿਹਾ ਕਿ 19 ਫਰਵਰੀ ਤੋਂ 25 ਫਰਵਰੀ ਤੱਕ ਹੋਣ ਵਾਲੇ 1101 ਕੁੰਡੀਆ ਰੁਦਰ ਮਹਾਯੱਗ ਦੌਰਾਨ ਉਨ੍ਹਾਂ ਵਲੋਂ ਇਕ ਦਿਨ ਦਾ ਪੂਰਾ ਲੰਗਰ ਲਗਾਇਆ ਜਾਵੇਗਾ | ਸ਼ਰਧਾਲੂਆਂ ਨੂੰ ਯੱਗ 'ਚ ਆਪਣਾ ਤਨ, ਮਨ ਅਤੇ ਧਨ ਦਾ ਯੋਗਦਾਨ ਪਾਉਣ ਦੀ ਅਪੀਲ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਸਵਾਮੀ ਉਦੈਗਿਰੀ ਮਹਾਰਾਜ ਇਸ ਦੁਰਲੱਭ ਮਹਾਂਯੱਗ ਕਰਵਾ ਕੇ ਸ਼ਰਧਾਲੂਆਂ ਦੇ ਸਰਵ-ਵਿਆਪੀ ਭਲਾਈ ਅਤੇ ਸੁਰੱਖਿਆ ਦੇ ਸੰਕਲਪ ਨਾਲ ਕਰ ਰਹੇ ਹਨ | ਮੰਦਰ ਦੇ ਜਨਰਲ ਸਕੱਤਰ ਅਨੁਰਾਗ ਸੂਦ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ 1925 ਵਿੱਚ ਹਿਮਾਚਲ ਪ੍ਰਦੇਸ਼ ਦੇ ਸ਼੍ਰੀ ਕਾਲੀਨਾਥ ਕਲੇਸ਼ਵਰ ਤੀਰਥ ਖੇਤਰ 'ਚ ਅਜਿਹਾ ਦੁਰਲੱਭ ਯੱਗ ਕਰਵਾਇਆ ਗਿਆ ਸੀ | ਬਾਬਾ ਬਾਲਕ ਨਾਥ ਟਰੱਸਟ ਦੇ ਪ੍ਰਧਾਨ ਡਾ. ਹਰਸ਼ਵਿੰਦਰ ਸਿੰਘ ਪਠਾਣੀਆ ਨੇ ਇਲਾਕੇ ਦੇ ਲੋਕਾਂ ਨੂੰ ਯੱਗ 'ਚ ਮੇਜ਼ਬਾਨ ਬਣਨ ਅਤੇ ਸਹਿਯੋਗ ਕਰਨ ਦੀ ਅਪੀਲ ਕੀਤੀ | ਇਸ ਮੌਕੇ ਬਾਰ ਪ੍ਰਧਾਨ ਪੀ.ਐਸ ਘੁੰਮਣ, ਐਡਵੋਕੇਟ ਆਰਤੀ ਸੂਦ ਮਹਿਤਾ, ਐਡਵੋਕੇਟ ਨਵਦੀਪ ਸੂਦ, ਕੌਂਸਲਰ ਲਵਕੇਸ਼ ਓਹਰੀ ਆਦਿ ਹਾਜ਼ਰ ਸਨ |

ਪਿਛਲੀ ਖ਼ਬਰ ਗੰਨੇ ਨਾਲ ਭਰੀ ਇੱਕ ਟਰੈਕਟਰ-ਟਰਾਲੀ ਪਲਟੀ ਅਗਲੀ ਖ਼ਬਰ ਸ਼੍ਰੋਮਣੀ ਕਮੇਟੀ 328 ਲਾਪਤਾ ਸਰੂਪਾਂ ਦੇ ਮਾਮਲੇ 'ਚ ਵਿਰੋਧ ਦੀ ਥਾਂ ਸਰਕਾਰ ਦਾ ਸਹਿਯੋਗ ਕਰੇ-ਜਥੇਦਾਰ ਮੁਲਤਾਨੀ

ਸ੍ਰੀ ਸਿੱਧੇਸ਼ਵਰ ਸ਼ਿਵ ਮੰਦਰ ਵਿਖੇ ਧਰਮਧਵੱਜ ਲਹਿਰਾਇਆ

ਸੰਬੰਧਿਤ ਖ਼ਬਰਾਂ