ਨਵਾਂਸ਼ਹਿਰ, 2 ਜਨਵਰੀ (ਹਰਮਿੰਦਰ ਸਿੰਘ ਪਿੰਟੂ)-ਪੰਜਾਬ ਪੁਲਿਸ ਰਿਟਾਇਰ ਵੈੱਲਫੇਅਰ ਐਸੋਸੀਏਸ਼ਨ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਦੇ ਮੈਂਬਰਾਂ ਵਲੋਂ ਤੁਸ਼ਾਰ ਗੁਪਤਾ ਆਈ. ਪੀ. ਐੱਸ. ਐੱਸ. ਐੱਸ. ਪੀ ਨਵਾਂਸ਼ਹਿਰ ਨੂੰ ਨਵੇਂ ਸਾਲ ਦੀਆਂ ਵਧਾਈਆਂ ਦਿੱਤੀਆਂ | ਸੰਸਥਾ ਦੇ ਪ੍ਰਧਾਨ ਲੈਂਬਰ ਸਿੰਘ ਨੇ ਦੱਸਿਆ ਕਿ ਨਵਾਂ ਸਾਲ 2026 ਜੋ ਚੜਿ੍ਹਆ ਹੈ ਉਹ ਸਮੇਤ ਸਾਬਕਾ ਐਸ. ਪੀ ਰਾਮ ਜੀ ਦਾਸ, ਸਾਬਕਾ ਇੰਸਪੈਕਟਰ ਸੋਢੀ ਸਿੰਘ, ਸਾਬਕਾ ਇੰਸਪੈਕਟਰ ਰਾਮ ਦਾਸ, ਸਾਬਕਾ ਇੰਸਪੈਕਟਰ ਗੁਰਦਿਆਲ ਸਿੰਘ, ਸਾਬਕਾ ਸਬ ਇੰਸਪੈਕਟਰ ਜੀਵਨ ਦਾਸ ਨੇ ਇਕੱਠੇ ਹੋ ਕੇ ਨਵਾਂਸ਼ਹਿਰ ਦੇ ਐਸ. ਐਸ. ਪੀ ਨੂੰ ਫੁੱਲਾਂ ਵਾਲਾ ਗੁਲਦਸਤਾ ਦੇ ਕੇ ਵਧਾਈਆਂ ਦਿੱਤੀਆਂ ਗਈਆਂ | ਐਸ. ਐਸ. ਪੀ ਨੇ ਸਾਰੇ ਆਏ ਪੈਨਸ਼ਨਰਜ਼ ਨੂੰ ਜੀ ਆਇਆਂ ਆਖਿਆ ਅਤੇ ਸਾਰਿਆਂ ਨੂੰ ਨਵੇਂ ਸਾਲ ਦੀਆਂ ਮੁਬਾਰਕਾਂ ਦਿੱਤੀਆਂ | ਉਨ੍ਹਾਂ ਕਿਹਾ ਕਿ ਉਹ ਪ੍ਰਮਾਤਮਾ ਅੱਗੇ ਅਰਦਾਸ ਕਰਦੇ ਹਨ ਕਿ ਇਹ ਸਾਲ 2026 ਸਭ ਲਈ ਖੁਸ਼ੀਆਂ ਅਤੇ ਤਰੱਕੀਆਂ ਲੈ ਕੇ ਆਵੇ |
