ਰੇਲਵੇ ਸਟੇਸ਼ਨ ਰਾਹੋਂ ਨੇੜੇ ਰੇਲਵੇ ਲਾਈਨ ਕੋਲੋਂ ਵਿਅਕਤੀ ਦੀ ਮਿਲੀ ਲਾਸ਼

ਅ

ਅਜੀਤ ਡੈਸਕ 19-04-2026

ਰਾਹੋਂ, 18 ਅਪ੍ਰੈਲ (ਉਂਕਾਰ ਸਿੰਘ ਰਾਠੋਰ) - ਰੇਲਵੇ ਸਟੇਸ਼ਨ ਰਾਹੋਂ ਦੇ ਕੋਲ ਰੇਲਵੇ ਲਾਈਨ ਨਾਲ ਇਕ ਵਿਅਕਤੀ ਦੀ ਭੇਦ ਭਰੇ ਹਾਲਾਤਾਂ ਵਿੱਚ ਲਾਸ਼ ਮਿਲੀ | ਉਥੇ ਮੌਜ਼ੂਦ ਲੋਕਾਂ ਦੇ ਦੱਸਣ ਮੁਤਾਬਕ ਮੌਤ ਕਰੰਟ ਲੱਗਣ ਨਾਲ ਹੋਈ ਜਾਪਦੀ ਹੈ | ਕਿਉਕਿ ਦੇਖਣ ਮੁਤਾਬਕ ਵਿਅਕਤੀ ਦੀ ਇਕ ਲੱਤ ਪੂਰੀ ਤਰ੍ਹਾਂ ਝੁਲਸੀ ਹੋਈ ਸੀ | ਸੂਚਨਾ ਮਿਲਣ 'ਤੇ ਉਥੇ ਰੇਲਵੇ ਪੁਲਿਸ ਅਤੇ ਰਾਹੋਂ ਥਾਣਾ ਦੀ ਪੁਲਿਸ ਮੌਕੇ 'ਤੇ ਮੌਜ਼ੂਦ ਸੀ | ਉੱਥੇ ਮੌਕੇ 'ਤੇ ਮੌਜੂਦ ਥਾਣਾ ਰਾਹੋਂ ਮੁਖੀ ਚੌਧਰੀ ਵਰਿੰਦਰ ਕੁਮਾਰ ਨੇ ਆਖਿਆ ਕਿ ਹਾਲੇ ਮੌਤ ਦੇ ਕਾਰਨਾਂ ਦੀ ਪੁਸ਼ਟੀ ਨਹੀਂ ਕੀਤੀ ਜਾ ਸਕਦੀ | ਉਹਨਾਂ ਆਖਿਆ ਕਿ ਪੋਸਟਮਾਰਟਮ ਦੀ ਰਿਪੋਰਟ ਆਉਣ ਤੋਂ ਬਾਅਦ ਹੀ ਇਸ ਸਬੰਧੀ ਕੁਝ ਦੱਸਿਆ ਜਾ ਸਕਦਾ ਹੈ | ਰੇਲਵੇ ਪੁਲਿਸ ਵਲੋ ਲਾਸ਼ ਨੂੰ ਮੌਕੇ 'ਤੇ ਕਬਜ਼ੇ ਵਿੱਚ ਲੈ ਕੇ ਸਿਵਲ ਹਸਪਤਾਲ ਭੇਜ ਦਿੱਤਾ ਗਿਆ |