ਮਜਾਰੀ/ਸਾਹਿਬਾ, 15 ਮਈ (ਨਿਰਮਲਜੀਤ ਸਿੰਘ ਚਾਹਲ)-ਬੀਤੀ ਰਾਤ ਆਈ ਤੇਜ਼ ਹਨੇਰੀ ਝੱਖੜ ਕਾਰਨ ਬਿਜਲੀ ਦੇ ਖੰਭੇ ਤੇ ਦਰੱਖਤ ਜੜ੍ਹਾਂ ਤੋਂ ਪੁੱਟ ਸੁੱਟੇ, ਜਿਸ ਕਾਰਨ ਇਲਾਕੇ ਦੇ ਸਾਰੇ ਪਿੰਡਾਂ ਦੀ ਬਿਜਲੀ ਸਾਰੀ ਰਾਤ ਬੰਦ ਰਹੀ | ਹਨੇਰੀ ਇੰਨੀ ਤੇਜ਼ ਸੀ ਕਿ ਸਾਹਿਬਾ ਦਾਣਾ ਮੰਡੀ ਵਿਚ ਲੱਗਿਆ ਬਿਜਲੀ ਦਾ ਖੰਭਾ ਟੁੱਟ ਗਿਆ, ਜੋ ਹਵਾਂ ਦੇ ਨਾਲ ਹੀ ਟੁੱਟ ਕਿ ਸੜਕ ਦੇ ਵਿਚਕਾਰ ਡਿੱਗ ਗਿਆ | ਇਸੇ ਤਰ੍ਹਾਂ ਬਹੁਤ ਸਾਰੇ ਕਿਸਾਨਾਂ ਦੇ ਪਾਪੂਲਰ ਦੇ ਦਰੱਖਤ, ਜਿਨ੍ਹਾਂ ਨੇ ਤਾਜ਼ਾ ਪਾਣੀ ਲਗਾਇਆ ਹੋਇਆ ਸੀ, ਜੜ੍ਹਾਂ ਤੋਂ ਪੁੱਟ ਕੇ ਸੁੱਟ ਦਿੱਤੇ | ਇਸ ਹਨੇਰੀ ਕਾਰਨ ਖੇਤਾਂ 'ਚੋਂ ਲੰਘਦੀਆਂ ਬਿਜਲੀ ਦੀਆਂ ਤਾਰਾਂ ਦੇ ਨੇੜੇ ਕਿਸਾਨਾਂ ਵਲੋਂ ਲਗਾਏ ਹੋਏ ਪਾਪੂਲਰ ਦੇ ਦਰੱਖਤ ਟੁੱਟਣ ਕਾਰਨ ਤਾਰਾਂ 'ਤੇ ਡਿੱਗ ਪਏ | ਪਾਵਰਕਾਮ ਦੇ ਮੁਲਾਜ਼ਮਾਂ ਵਲੋਂ ਸਵੇਰ ਤੋਂ ਹੀ ਤਾਰਾਂ ਤੇ ਖੰਭੇ ਠੀਕ ਕਰਨ ਲਈ ਸਾਰਾ ਦਿਨ ਜੱਦੋ ਜਹਿਦ ਕਰਦੇ ਰਹੇ | ਜਿਹੜੀਆਂ ਜ਼ਿਆਦਾ ਲੰਮੀਆਂ ਲਾਈਨਾਂ ਹਨ, ਉਹ ਦਰੱਖਤਾਂ ਦੇ ਡਿੱਗਣ ਕਾਰਨ ਜਿਆਦਾ ਪ੍ਰਭਾਵਿਤ ਹੋਈਆਂ ਹਨ |
