ਘੁੰਮਣਾਂ, 25 ਮਈ (ਮਹਿੰਦਰਪਾਲ ਸਿੰਘ)-ਕਿਸਾਨਾਂ ਨੂੰ ਨਹਿਰੀ ਪਾਣੀ ਦੇਣ ਲਈ ਮਾਨ ਸਰਕਾਰ ਵਲੋਂ ਜੋ ਉਪਰਾਲਾ ਕੀਤਾ ਜਾ ਰਿਹਾ ਹੈ ਉਸ ਤਹਿਤ ਪਿੰਡ ਮੇਹਲੀਆਣਾ ਦੇ ਨੇੜੇ ਨਹਿਰ ਦੇ ਨਾਲ ਲਗਦੇ ਕਿਸਾਨ ਲਖਵਿੰਦਰ ਸਿੰਘ, ਪਰਮਜੀਤ ਸਿੰਘ, ਭੁਪਿੰਦਰ ਸਿੰਘ ਤੇ ਨੰਬਰਦਾਰ ਸੁਖਦੇਵ ਸਿੰਘ ਮੇਹਲੀਆਣਾ ਦੇ ਖੇਤਾਂ ਨੂੰ ਜਾਂਦੇ ਰਸਤੇ ਵਿਚ ਨਹਿਰੀ ਵਿਭਾਗ ਦੇ ਠੇਕੇਦਾਰਾਂ ਵਲੋਂ ਨਹਿਰ ਦੇ ਪਾਣੀ ਦਾ ਮੋਘਾ ਸੜਕ ਵਿਚ ਰੱਖ ਦਿੱਤਾ ਗਿਆ, ਜਿਸ ਕਰਕੇ ਕਿਸਾਨਾਂ ਨੂੰ ਆਪਣੀ ਕਮਾਦ, ਕਣਕ ਤੇ ਝੋਨੇ ਦੀ ਫ਼ਸਲ ਦੀ ਢੋਆ ਢੁਆਈ ਲਈ ਦਿੱਕਤ ਆਵੇਗੀ | ਨੰਬਰਦਾਰ ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਅਸੀਂ ਮੁਲਾਜ਼ਮਾਂ ਨੂੰ ਕਈ ਵਾਰੀ ਕਹਿ ਚੁੱਕੇ ਹਾਂ ਕਿ ਇਸ ਸੜਕ 'ਚੋਂ ਨਹਿਰ ਦਾ ਮੋਘਾ ਹਟਾ ਕੇ ਹੋਰ ਜਗ੍ਹਾ ਲਗਾਇਆ ਜਾਵੇ ਪਰ ਸਾਡੀ ਗੱਲ ਨਹੀਂ ਮੰਨੀ | ਇਹ ਮੋਘਾ ਸੜਕ 'ਚੋਂ ਹਟਾਇਆ ਜਾਵੇ |
