ਠਠਿਆਲਾ ਢਾਹਾਂ ਵਿਖੇ ਹੋਈ ਚੋਰੀ ਸੰਬੰਧੀ ਦਰਖਾਸਤ ਦੇਣ ਦੇ ਬਾਵਜੂਦ ਪੁਲਿਸ ਨੇ ਮੌਕਾ ਵੇਖਣਾ ਮੁਨਾਸਿਬ ਨਹੀਂ ਸਮਝਿਆ
ਬਲਾਚੌਰ, 7 ਸਤੰਬਰ (ਨਰੇਸ਼ ਧੌਲ)-ਨਜ਼ਦੀਕੀ ਪਿੰਡ ਠਠਿਆਲਾ ਢਾਹਾਂ ਵਿਖੇ ਵਿਦੇਸ਼ ਰਹਿ ਰਹੇ ਤਾਰਾ ਸਿੰਘ ਦੇ ਘਰ ਵਿਚ ਬੀਤੇ ਦਿਨੀਂ ਹੋਈ ਚੋਰੀ ਦੇ ਸੰਬੰਧ ਵਿਚ ਸਦਰ ਥਾਣਾ ਬਲਾਚੌਰ ਨੂੰ ਦਰਖਾਸਤ ਦੇਣ ਦੇ ਦੋ ਦਿਨ ਬਾਅਦ ਵੀ ਪੁਲਿਸ ਨੇ ਮੌਕਾ ਵੇਖਣਾ ਵੀ ਮੁਨਾਸਬ ਨਹੀਂ ਸਮਝਿਆ। ਜਦਕਿ ਦਰਖਾਸਤ ਦੇਣ ਸਮੇਂ ਪੁਲਿਸ ਵਲੋਂ ਦਰਖਾਸਤ ਕਰਤਾ ਨੂੰ ਛੇਤੀ ਹੀ ਮੌਕਾ ਵੇਖ ਕੇ ਕਾਰਵਾਈ ਕਰਨ ਦਾ ਭਰੋਸਾ ਦਵਾਇਆ ਗਿਆ ਸੀ।
ਬਲਾਚੌਰ, 7 ਸਤੰਬਰ (ਨਰੇਸ਼ ਧੌਲ)-ਨਜ਼ਦੀਕੀ ਪਿੰਡ ਠਠਿਆਲਾ ਢਾਹਾਂ ਵਿਖੇ ਵਿਦੇਸ਼ ਰਹਿ ਰਹੇ ਤਾਰਾ ਸਿੰਘ ਦੇ ਘਰ ਵਿਚ ਬੀਤੇ ਦਿਨੀਂ ਹੋਈ ਚੋਰੀ ਦੇ ਸੰਬੰਧ ਵਿਚ ਸਦਰ ਥਾਣਾ ਬਲਾਚੌਰ ਨੂੰ ਦਰਖਾਸਤ ਦੇਣ ਦੇ ਦੋ ਦਿਨ ਬਾਅਦ ਵੀ ਪੁਲਿਸ ਨੇ ਮੌਕਾ ਵੇਖਣਾ ਵੀ ਮੁਨਾਸਬ ਨਹੀਂ ਸਮਝਿਆ। ਜਦਕਿ ਦਰਖਾਸਤ ਦੇਣ ਸਮੇਂ ਪੁਲਿਸ ਵਲੋਂ ਦਰਖਾਸਤ ਕਰਤਾ ਨੂੰ ਛੇਤੀ ਹੀ ਮੌਕਾ ਵੇਖ ਕੇ ਕਾਰਵਾਈ ਕਰਨ ਦਾ ਭਰੋਸਾ ਦਵਾਇਆ ਗਿਆ ਸੀ। ਹੋਈ ਚੋਰੀ ਦੇ ਸੰਬੰਧ ਵਿਚ ਤਾਰਾ ਸਿੰਘ ਦੇ ਵੱਡੇ ਭਰਾ ਬਲਦੇਵ ਸਿੰਘ ਤੇ ਤਾਰਾ ਸਿੰਘ ਦੇ ਸਪੁੱਤਰ ਰਣਜੀਤ ਸਿੰਘ ਵਲੋਂ ਬਲਾਚੌਰ ਪੁਲਿਸ ਨੂੰ ਦਰਖਾਸਤ ਰਾਹੀਂ ਸੂਚਿਤ ਕਰ ਦਿੱਤਾ ਗਿਆ ਸੀ ਪਰ ਪੁਲਿਸ ਵਲੋਂ ਅਜੇ ਤੱਕ ਕੋਈ ਵੀ ਕਾਰਵਾਈ ਅਮਲ ਵਿਚ ਨਹੀਂ ਲਿਆਦੀ ਗਈ। ਉਨ੍ਹਾਂ ਦੇ ਦੱਸਣ ਅਨੁਸਾਰ ਚੋਰ ਚਾਰਦੀਵਾਰੀ ਟੱਪ ਕੇ ਕੁੰਡਿਆਂ ਦੀਆਂ ਹੁੱਕਾਂ ਤੋੜ ਕੇ ਘਰ ਅੰਦਰ ਦਾਖਲ ਹੋਏ ਅਤੇ ਚੋਰੀ ਦੀ ਘਟਨਾ ਨੂੰ ਅੰਜਾਮ ਦੇ ਕੇ ਫਰਾਰ ਹੋ ਗਏ। ਉਨ੍ਹਾਂ ਦੱਸਿਆ ਕਿ ਇਸ ਵੇਲੇ ਉਸ ਘਰ ਵਿਚ ਪਿੰਡ ਦੇ ਸਰਕਾਰੀ ਪ੍ਰਾਇਮਰੀ ਸਕੂਲ ਦੇ ਅਧਿਆਪਕ ਰਹਿ ਰਹੇ ਹਨ ਤੇ ਉਨ੍ਹਾਂ ਦਾ ਹੀ ਕੁੱਝ ਘਰੇਲੂ ਸਾਮਾਨ ਤੇ ਨਕਦੀ ਚੋਰੀ ਹੋਈ ਹੈ, ਜਦਕਿ ਉਨ੍ਹਾਂ ਦੇ ਬਾਕੀ ਸਾਮਾਨ ਦੀ ਕਾਫੀ ਫਰੋਲਾ ਫਰਾਲੀ ਕਰਕੇ ਇੱਧਰ ਉੱਧਰ ਖਿਲਾਰਿਆ ਹੋਇਆ ਹੈ। ਦਰਖਾਸਤਕਰਤਾ ਨੇ ਕਿਹਾ ਕਿ ਜੇਕਰ ਪੁਲਿਸ ਨੇ ਚੋਰਾਂ ਖ਼ਿਲਾਫ਼ ਕਾਰਵਾਈ ਹੀ ਨਹੀਂ ਕਰਨੀ ਤਾਂ ਫਿਰ ਚੋਰਾਂ ਦੇ ਹੌਂਸਲੇ ਹੋਰ ਵੀ ਬੁਲੰਦ ਹੋਣਗੇ ਤੇ ਇਲਾਕੇ ਵਿਚ ਚੋਰੀਆਂ ਦੀ ਹੋਰ ਵੀ ਭਰਮਾਰ ਹੋਵੇਗੀ। ਉਨ੍ਹਾਂ ਪੁਲਿਸ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਤੁਰੰਤ ਮੌਕਾ ਵੇਖ ਕੇ ਚੋਰਾਂ ਦੀ ਭਾਲ ਕੀਤੀ ਜਾਵੇ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
