ਪੀ. ਕੇ. ਛਾਬੜਾ ਨੇ ਵਾਤਾਵਰਨ ਦੀ ਸ਼ੁੱਧਤਾ ਲਈ ਲੋਕਾਂ ਨੂੰ ਫਲਦਾਰ ਬੂਟੇ ਵੰਡੇ
ਕਟਾਰੀਆਂ, 20 ਸਤੰਬਰ (ਪ੍ਰੇਮੀ ਸੰਧਵਾਂ)-ਸਮਾਜ ਸੇਵੀ ਛਾਬੜਾ ਡੇਅਰੀ ਤੇ ਸਵੀਟਸ ਸ਼ਾਪ ਫਰਾਲਾ ਦੇ ਮੈਨੇਜਿੰਗ ਡਾਇਰੈਕਟਰ ਨੇ ਲੋਕਾਂ ਨੂੰ ਵਾਤਾਵਰਨ ਦੀ ਸ਼ੁੱਧਤਾ ਲਈ ਫਲਦਾਰ ਬੂਟਿਆਂ ਦੀ ਵੰਡ ਕਰਦਿਆਂ ਕਿਹਾ ਕਿ ਰੁੱਖਾਂ ਦਾ ਹੋ ਰਿਹਾ ਅੰਧਾਧੁੰਦ ਉਜਾੜਾ ਇਕ ਗੰਭੀਰ ਚਿੰਤਾ ਦਾ ਵਿਸ਼ਾ ਹੈ ਕਿਉਂਕਿ ਉਨੇ ਬੂਟੇ ਲਗਾਏ ਨਹੀਂ ਜਾ ਰਹੇ ਜਿੰਨੇ ਰੁੱਖਾਂ ਦਾ ਨਿੱਜੀ ਲੋੜਾਂ ਲਈ ਉਜਾੜਾ ਹੋ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਗਰਮੀ ਦੇ ਮੌਸਮ ਵਿਚ ਗਰਮੀ ਦੇ ਕਹਿਰ ਦਾ ਵੱਧਣਾ, ਮਨੁੱਖ ਦੀਆਂ ਆਪਣੀਆਂ ਗਲਤੀਆਂ ਦਾ ਨਤੀਜਾ ਹੈ।
ਕਟਾਰੀਆਂ, 20 ਸਤੰਬਰ (ਪ੍ਰੇਮੀ ਸੰਧਵਾਂ)-ਸਮਾਜ ਸੇਵੀ ਛਾਬੜਾ ਡੇਅਰੀ ਤੇ ਸਵੀਟਸ ਸ਼ਾਪ ਫਰਾਲਾ ਦੇ ਮੈਨੇਜਿੰਗ ਡਾਇਰੈਕਟਰ ਨੇ ਲੋਕਾਂ ਨੂੰ ਵਾਤਾਵਰਨ ਦੀ ਸ਼ੁੱਧਤਾ ਲਈ ਫਲਦਾਰ ਬੂਟਿਆਂ ਦੀ ਵੰਡ ਕਰਦਿਆਂ ਕਿਹਾ ਕਿ ਰੁੱਖਾਂ ਦਾ ਹੋ ਰਿਹਾ ਅੰਧਾਧੁੰਦ ਉਜਾੜਾ ਇਕ ਗੰਭੀਰ ਚਿੰਤਾ ਦਾ ਵਿਸ਼ਾ ਹੈ ਕਿਉਂਕਿ ਉਨੇ ਬੂਟੇ ਲਗਾਏ ਨਹੀਂ ਜਾ ਰਹੇ ਜਿੰਨੇ ਰੁੱਖਾਂ ਦਾ ਨਿੱਜੀ ਲੋੜਾਂ ਲਈ ਉਜਾੜਾ ਹੋ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਗਰਮੀ ਦੇ ਮੌਸਮ ਵਿਚ ਗਰਮੀ ਦੇ ਕਹਿਰ ਦਾ ਵੱਧਣਾ, ਮਨੁੱਖ ਦੀਆਂ ਆਪਣੀਆਂ ਗਲਤੀਆਂ ਦਾ ਨਤੀਜਾ ਹੈ। ਪਰਵਿੰਦਰ ਕੁਮਾਰ ਛਾਬੜਾ ਨੇ ਲੋਕਾਂ ਨੂੰ ਵੱਧ ਤੋਂ ਵੱਧ ਬੂਟੇ ਲਗਾ ਕੇ ਉਨ੍ਹਾਂ ਦੀ ਚੰਗੀ ਤਰ੍ਹਾਂ ਸੰਭਾਲ ਕਰਨ ਦੀ ਅਪੀਲ ਕਰਦਿਆਂ ਕਿਹਾ ਕਿ ਜੇਕਰ ਲੋਕਾਂ ਨੇ ਆਪਣੀਆਂ ਨਿੱਜੀ ਲੋੜਾਂ ਦੀ ਖਾਤਰ ਰੁੱਖਾਂ ਦਾ ਉਜਾੜਾ ਕਰਨਾ ਨਾ ਛੱਡਿਆ ਤਾਂ ਉਹ ਦਿਨ ਦੂਰ ਨਹੀਂ ਜਦੋਂ ਸਾਨੂੰ ਧਰਤੀ ’ਤੇ ਸਾਹ ਲੈਣ ਵੀ ਔਖਾ ਹੋ ਜਾਵੇਗਾ। ਇਸ ਮੌਕੇ ਜੈ ਚੰਦ ਸੰਧਵਾਂ, ਸਚਿਨ ਛਾਬੜਾ, ਸਾਹਿਲ ਛਾਬੜਾ, ਐਸ. ਕੇ. ਬੈਂਸ ਆਦਿ ਹਾਜ਼ਰ ਸਨ।
