ਰਿਟਾਇਰਡ ਮੁਲਾਜ਼ਮ ਐਸੋਸੀਏਸ਼ਨ ਦੀ ਮਹੀਨਾਵਾਰ ਮੀਟਿੰਗ
ਰੱਤੇਵਾਲ, 11 ਅਕਤੂਬਰ (ਅਸ਼ੋਕ ਕੁਮਾਰ ਲੀਲ)-ਅਸ਼ੋਕ ਬਾਂਠ ਆਈ. ਪੀ.
ਰੱਤੇਵਾਲ, 11 ਅਕਤੂਬਰ (ਅਸ਼ੋਕ ਕੁਮਾਰ ਲੀਲ)-ਅਸ਼ੋਕ ਬਾਂਠ ਆਈ. ਪੀ. ਐਸ. ਚੇਅਰਮੈਨ ਰਿਟਾਇਰਡ ਮੁਲਾਜ਼ਮ ਐਸੋਸੀਏਸ਼ਨ ਦੀ ਦੇਖ-ਰੇਖ ਹੇਠ ਮਹੀਨਾਵਾਰ ਮੀਟਿੰਗ ਮੁੱਖ ਦਫ਼ਤਰ ਰੱਤੇਵਾਲ ਵਿਖੇ ਹੋਈ, ਜਿਸ ਵਿਚ ਮਤਾ ਪਾਸ ਕੀਤਾ ਕਿ ਪੰਜਾਬ ਸਰਕਾਰ ਰਿਟਾਇਰਡ ਮੁਲਾਜ਼ਮਾਂ ਤੇ ਪੈਨਸ਼ਨਰਾਂ ਨੂੰ ਡੀ. ਏ. ਦੀ ਰਹਿੰਦੀ ਰਕਮ ਤੇ ਪਿਛਲੇ ਲੰਮੇ ਸਮੇਂ ਤੋਂ ਬਕਾਇਆ ਰਹਿੰਦੇ ਮੈਡੀਕਲ ਬਿੱਲਾਂ ਦੀ ਅਦਾਇਗੀ ਕੀਤੀ ਜਾਵੇ। ਪੰਜਾਬ ਦੇ ਨੌਜਵਾਨ ਪੜ੍ਹੇ ਲਿਖੇ ਬੱਚੇ ਬੱਚੀਆਂ ਨੂੰ ਪਹਿਲ ਦੇ ਅਧਾਰ ’ਤੇ ਸਰਕਾਰੀ ਨੌਕਰੀਆਂ ਦਿੱਤੀਆਂ ਜਾਣ ਤਾਂ ਜੋ ਵਿਦੇਸ਼ਾਂ ਨੂੰ ਜਾਣ ਤੋਂ ਬੱਚਿਆਂ ਦਾ ਰੁਝਾਨ ਘਟੇ। ਆਉਣ ਵਾਲੀ 8 ਨਵੰਬਰ ਦੀ ਮਹੀਨਾਵਾਰ ਮੀਟਿੰਗ ਵਿਚ ਹੋਰ ਵੀ ਪੈਨਸ਼ਨਰਜ਼ ਵੀਰਾਂ ਨੂੰ ਮੀਟਿੰਗ ਵਿਚ ਸ਼ਾਮਿਲ ਹੋਣ ਲਈ ਅਪੀਲ ਕੀਤੀ। ਇਸ ਮੌਕੇ ਅਸ਼ੋਕ ਕੁਮਾਰ ਬਾਂਠ ਆਈ. ਪੀ. ਐਸ., ਡੀ. ਐਸ. ਪੀ. ਬਨਾਰਸੀ ਦਾਸ, ਏ. ਐਸ. ਆਈ. ਕਾਬਲ ਸਿੰਘ ਚੇਚੀ, ਇੰਸਪੈਕਟਰ ਕ੍ਰਿਸ਼ਨ ਕੁਮਾਰ, ਇੰਸਪੈਕਟਰ ਅਜੀਤ ਰਾਮ, ਏ. ਐਸ. ਆਈ. ਬਲਦੇਵ ਰਾਜ, ਏ. ਐਸ. ਆਈ. ਹਰਬੰਸ ਲਾਲ, ਏ. ਐਸ. ਆਈ. ਰਾਮ ਲਾਲ ਆਦਿ ਹਾਜ਼ਰ ਰਹੇ।
