ਮਾਇਆ ਦਾ ਹੰਕਾਰ ਬੰਦੇ ਦੀ ਬੁੱਧੀ ਭ੍ਰਿਸ਼ਟ ਕਰ ਦਿੰਦਾ ਹੈ - ਡਾ . ਢਾਹਾਂ
ਕਟਾਰੀਆਂ, 10 ਨਵੰਬਰ (ਪ੍ਰੇਮੀ ਸੰਧਵਾਂ)-ਗੁਰੂ ਨਾਨਕ ਮਿਸ਼ਨ ਹਸਪਤਾਲ ਢਾਹਾਂ ਕਲੇਰਾਂ ਦੇ ਪ੍ਰਧਾਨ ਤੇ ਕਿਰਤ ਕਮਾਈ ਵਿੱਚ ਵਿਸ਼ਵਾਸ ਰੱਖਣ ਵਾਲੇ ਡਾ. ਕੁਲਵਿੰਦਰ ਸਿੰਘ ਢਾਹਾਂ ਨੇ ‘ਅਜੀਤ’ ਨਾਲ ਵਿਸ਼ੇਸ਼ ਤੌਰ ’ਤੇ ਗੱਲਬਾਤ ਕਰਦਿਆਂ ਕਿਹਾ ਕਿ ਕਿਸੇ ਵੀ ਇਨਸਾਨ ਨੂੰ ਮਾਇਆ ਦੇ ਘੁਮੰਡ ਵਿੱਚ ਆ ਕੇ ਕਿਸੇ ਵੀ ਗਰੀਬ ਦਾ ਹਿਰਦਾ ਨਹੀਂ ਦੁਖਾਉਣਾ ਚਾਹੀਦਾ।
ਕਟਾਰੀਆਂ, 10 ਨਵੰਬਰ (ਪ੍ਰੇਮੀ ਸੰਧਵਾਂ)-ਗੁਰੂ ਨਾਨਕ ਮਿਸ਼ਨ ਹਸਪਤਾਲ ਢਾਹਾਂ ਕਲੇਰਾਂ ਦੇ ਪ੍ਰਧਾਨ ਤੇ ਕਿਰਤ ਕਮਾਈ ਵਿੱਚ ਵਿਸ਼ਵਾਸ ਰੱਖਣ ਵਾਲੇ ਡਾ. ਕੁਲਵਿੰਦਰ ਸਿੰਘ ਢਾਹਾਂ ਨੇ ‘ਅਜੀਤ’ ਨਾਲ ਵਿਸ਼ੇਸ਼ ਤੌਰ ’ਤੇ ਗੱਲਬਾਤ ਕਰਦਿਆਂ ਕਿਹਾ ਕਿ ਕਿਸੇ ਵੀ ਇਨਸਾਨ ਨੂੰ ਮਾਇਆ ਦੇ ਘੁਮੰਡ ਵਿੱਚ ਆ ਕੇ ਕਿਸੇ ਵੀ ਗਰੀਬ ਦਾ ਹਿਰਦਾ ਨਹੀਂ ਦੁਖਾਉਣਾ ਚਾਹੀਦਾ। ਕਿਉਂਕਿ ਮਾਇਆ ਦੀ ਪੌੜੀ ਦੇ ਡੰਡੇ ਬਹੁਤ ਕੰਮਜੋਰ ਹੁੰਦੇ ਹਨ। ਕਿਉਂਕਿ ਅਮੀਰੀ ਤੇ ਗਰੀਬੀ ਦੋ ਸਕੀਆਂ ਭੈਣਾਂ ਵਾਂਗ ਹਨ ਤੇ ਇਹ ਕਿਸੇ ਵੀ ਘਰ ਵਿੱਚ ਪ੍ਰਮਾਤਮਾ ਦੇ ਰੂਪ ਵਿਚ ਜਨਮ ਲੈ ਸਕਦੀਆਂ ਹਨ। ਡਾ. ਕੁਲਵਿੰਦਰ ਸਿੰਘ ਢਾਹਾਂ ਨੇ ਕਿਹਾ ਕਿ ਪ੍ਰਮਾਤਮਾ ਦੀ ਮੇਹਰ ਨਾਲ ਹੀ ਘਰ ਦੀ ਦੂਰ ਹੋਈ ਗਰੀਬੀ ਤੇ ਜੋੜੇ ਗਏ ਧਨ ਦਾ ਜੇ ਕਰ ਕੋਈ ਇਨਸਾਨ ਮਾਣ ਕਰੇ ਤਾਂ ਪ੍ਰਮਾਤਮਾ ਪਲ ਵਿੱਚ ਅਮੀਰ ਤੇ ਪਲ ’ਚ ਫਕੀਰ ਬਣਾਉਣ ਨੂੰ ਦੇਰ ਨਹੀਂ ਲਾਉਂਦਾ। ਉਨ੍ਹਾਂ ਕਿਹਾ ਕਿ ਬਹੁਤੇ ਮਾਇਆ ਵਿੱਚ ਆਏ ਇਨਸਾਨ ਦੀ ਬੁੱਧੀ ਵੀ ਪ੍ਰਮਾਤਮਾ ਭ੍ਰਿਸ਼ਟ ਕਰਨ ਨੂੰ ਪਲ ਨਹੀਂ ਲਾਉਂਦਾ। ਇਸ ਲਈ ਸਾਨੂੰ ਪ੍ਰਮਾਤਮਾ ਦੀ ਬੰਦਗੀ ਦੇ ਨਾਲ-ਨਾਲ ਗਰੀਬ ਦੀ ਸਹਾਇਤਾ ਜ਼ਰੂਰ ਕਰਨੀ ਚਾਹੀਦੀ ਹੈ।
