ਛਠ ਪੂਜਾ ਸੇਵਾ ਦਲ ਦੇ ਚੇਅਰਮੈਨ ਵਲੋਂ ਸੂਰਜਦੇਵ ਮੰਦਰ ਲਈ ਸਬਮਰਸੀਬਲ ਪੰਪ ਭੇਟ
ਮੰਡੀ ਗੋਬਿੰਦਗੜ੍ਹ, 11 ਅਕਤੂਬਰ (ਰਾਜੇਸ਼ ਸ਼ਰਮਾ)-ਸਥਾਨਕ ਸ਼ਾਂਤੀ ਨਗਰ ਵਿਖੇ ਉਸਾਰੇ ਜਾ ਰਹੇ ਭਗਵਾਨ ਸੂਰਜਦੇਵ ਮੰਦਰ ਲਈ ਛਠ ਪੂਜਾ ਸੇਵਾ ਦਲ ਦੇ ਚੇਅਰਮੈਨ ਬਟੇਸ਼ਵਰ ਯਾਦਵ ਵਲੋਂ ਸਬਮਰਸੀਬਲ ਪੰਪ ਭੇਟ ਕੀਤਾ ਗਿਆ। ਇਸ ਮੌਕੇ ਉਨ੍ਹਾਂ ਦੀ ਪਤਨੀ ਰੀਨਾ ਯਾਦਵ ਤੇ ਪੁੱਤਰ ਨਿਰਭੈ ਯਾਦਵ ਤੇ ਅਮਿਤ ਯਾਦਵ ਵੀ ਮੌਜੂਦ ਸਨ।
ਮੰਡੀ ਗੋਬਿੰਦਗੜ੍ਹ, 11 ਅਕਤੂਬਰ (ਰਾਜੇਸ਼ ਸ਼ਰਮਾ)-ਸਥਾਨਕ ਸ਼ਾਂਤੀ ਨਗਰ ਵਿਖੇ ਉਸਾਰੇ ਜਾ ਰਹੇ ਭਗਵਾਨ ਸੂਰਜਦੇਵ ਮੰਦਰ ਲਈ ਛਠ ਪੂਜਾ ਸੇਵਾ ਦਲ ਦੇ ਚੇਅਰਮੈਨ ਬਟੇਸ਼ਵਰ ਯਾਦਵ ਵਲੋਂ ਸਬਮਰਸੀਬਲ ਪੰਪ ਭੇਟ ਕੀਤਾ ਗਿਆ। ਇਸ ਮੌਕੇ ਉਨ੍ਹਾਂ ਦੀ ਪਤਨੀ ਰੀਨਾ ਯਾਦਵ ਤੇ ਪੁੱਤਰ ਨਿਰਭੈ ਯਾਦਵ ਤੇ ਅਮਿਤ ਯਾਦਵ ਵੀ ਮੌਜੂਦ ਸਨ। ਇਸ ਦੌਰਾਨ ਪੰਡਿਤ ਜਾਨਕੀ ਪ੍ਰਸਾਦ ਵਲੋਂ ਮੰਤਰ ਉਚਾਰਨ ਨਾਲ ਭਗਵਾਨ ਵਿਸ਼ਵਕਰਮਾ ਦੀ ਪੂਜਾ ਕਰਵਾਈ ਗਈ ਤੇ ਸਬਮਰਸੀਬਲ ਪੰਪ ਦਾ ਉਦਘਾਟਨ ਕੀਤਾ। ਬਟੇਸ਼ਵਰ ਯਾਦਵ ਨੇ ਛਠ ਪੂਜਾ ਸੇਵਾ ਦਲ ਵਲੋਂ ਮੰਦਰ ਦੀ ਉਸਾਰੀ ਲਈ ਕੀਤੇ ਜਾ ਰਹੇ ਉਪਰਾਲਿਆਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਧਾਰਮਿਕ ਤੇ ਸਮਾਜ ਸੇਵਾ ਦੇ ਕਾਰਜਾਂ ਵਿਚ ਸਹਿਯੋਗ ਦੇਣਾ ਮਾਣ ਵਾਲੀ ਗੱਲ ਹੈ। ਇਸ ਮੌਕੇ ਛਠ ਪੂਜਾ ਸੇਵਾ ਦਲ ਦੇ ਪ੍ਰਧਾਨ ਡਾ. ਐਮ. ਕੇ. ਕਰਨ ਨੇ ਯਾਦਵ ਪਰਿਵਾਰ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਲੋਹਾ ਨਗਰੀ ਵਿਚ ਦਾਨੀ ਸੱਜਣਾਂ ਦੀ ਕੋਈ ਕਮੀ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਧਾਰਮਿਕ ਤੇ ਲੋਕ ਭਲਾਈ ਦੇ ਕਾਰਜਾਂ ਵਿਚ ਯੋਗਦਾਨ ਪਾਉਣਾ ਸ਼ਲਾਘਾਯੋਗ ਉਪਰਾਲਾ ਹੈ। ਉਨ੍ਹਾਂ ਆਸ ਪ੍ਰਗਟਾਈ ਕਿ ਹੋਰ ਦਾਨੀ ਸੱਜਣ ਵੀ ਅਜਿਹੇ ਕਾਰਜਾਂ ਲਈ ਅੱਗੇ ਆਉਣਗੇ। ਇਸ ਮੌਕੇ ਡਾ. ਸੰਜੇ ਕੁਮਾਰ, ਡਾ. ਐਮ. ਕੇ. ਕਰਨ, ਪ੍ਰਵੀਨ ਕੁਮਾਰ, ਅਮਿਤ ਕੁਮਾਰ, ਨਿਰਭੈ ਕੁਮਾਰ ਸਮੇਤ ਹੋਰ ਪਤਵੰਤੇ ਹਾਜ਼ਰ ਸਨ।
