ਪਠਾਨਕੋਟ, 24 ਜਨਵਰੀ (ਸੰਧੂ)-ਇਨਰਵੀਲ੍ਹ ਕਲੱਬ ਨੇ ਪ੍ਰਧਾਨ ਮੀਨਲ ਘਈ ਦੀ ਪ੍ਰਧਾਨਗੀ ਹੇਠ ਬਸੰਤ ਪੰਚਮੀ ਦਾ ਸ਼ੁਭ ਤਿਉਹਾਰ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ | ਇਸ ਮੌਕੇ ਕਲੱਬ ਮੈਂਬਰਾਂ ਨੇ ਗਿਆਨ, ਬੁੱਧੀ ਅਤੇ ਕਲਾ ਦੀ ਦੇਵੀ ਸਰਸਵਤੀ ਦੀ ਰਸਮੀ ਪੂਜਾ ਕੀਤੀ ਅਤੇ ਖੁਸ਼ੀ, ਖ਼ੁਸ਼ਹਾਲੀ ਤੇ ਚੰਗੀ ਸਮਝ ਲਈ ਪ੍ਰਾਰਥਨਾ ਕੀਤੀ | ਪ੍ਰੋਗਰਾਮ ਦੀ ਸ਼ੁਰੂਆਤ ਦੇਵੀ ਸਰਸਵਤੀ ਦੀ ਮੂਰਤੀ ਸਾਹਮਣੇ ਸ਼ਮਾ ਰੌਸ਼ਨ ਕਰਕੇ ਕੀਤੀ ਗਈ | ਪੂਜਾ ਦਾ ਸਮਾਪਨ ਵੈਦਿਕ ਮੰਤਰਾਂ ਦੇ ਜਾਪ ਨਾਲ ਹੋਇਆ | ਕਲੱਬ ਪ੍ਰਧਾਨ ਮੀਨਲ ਘਈ ਅਤੇ ਅਧਿਕਾਰੀਆਂ ਨੇ ਕਿਹਾ ਕਿ ਬਸੰਤ ਪੰਚਮੀ ਨਾ ਸਿਰਫ਼ ਰੁੱਤਾਂ ਦੇ ਬਦਲਾਅ ਦਾ ਪ੍ਰਤੀਕ ਹੈ, ਬਲਕਿ ਗਿਆਨ ਅਤੇ ਸਿੱਖਿਆ ਦੇ ਮਹੱਤਵ ਨੂੰ ਵੀ ਉਜਾਗਰ ਕਰਦੀ ਹੈ | ਉਨ੍ਹਾਂ ਕਿਹਾ ਕਿ ਦੇਵੀ ਸਰਸਵਤੀ ਦੀ ਪੂਜਾ ਜੀਵਨ ਵਿਚ ਸਕਾਰਾਤਮਕ ਊਰਜਾ ਲਿਆਉਂਦੀ ਹੈ ਅਤੇ ਸਮਾਜ ਵਿੱਚ ਸਿੱਖਿਆ, ਕਦਰਾਂ-ਕੀਮਤਾਂ ਤੇ ਸੱਭਿਆਚਾਰ ਨੂੰ ਉਤਸ਼ਾਹਿਤ ਕਰਦੀ ਹੈ | ਅੰਤ ਵਿਚ ਪ੍ਰਸ਼ਾਦ ਵੰਡਿਆ ਗਿਆ | ਇਸ ਮੌਕੇ ਸਰੋਜ ਪੁਰੀ, ਸੁਨੀਤਾ ਖੋਸਲਾ, ਨੀਨਾ ਤ੍ਰੇਹਨ, ਹਰੀ ਪਿ੍ਆ ਖੋਸਲਾ, ਨਿਧੀ ਮਹਾਜਨ, ਪ੍ਰੀਤ ਸ਼ਿੰਗਾਰੀ, ਜਸਲੀਨ ਚੱਢਾ, ਦਮਨਪ੍ਰੀਤ ਕੌਰ, ਅਸ਼ਮੀਤ ਚੱਢਾ, ਪੂਨਮ ਮਹਾਜਨ, ਡਾ: ਨਿਧੀ ਪੁਰੀ, ਅਨੀਤਾ ਅਰੋੜਾ ਆਦਿ ਹਾਜ਼ਰ ਸਨ |
