ਸ਼ਾਹਪੁਰ ਕੰਢੀ, 31 ਜਨਵਰੀ (ਰਣਜੀਤ ਸਿੰਘ)-ਥਾਣਾ ਸ਼ਾਹਪੁਰ ਕੰਢੀ ਪੁਲਿਸ ਵਲੋਂ ਸਾਲ 2023 'ਚ ਪਿੰਡ ਘੋਹ ਵਿਖੇ ਹੋਏ ਕਤਲ ਕੇਸ 'ਚ ਸ਼ਾਮਿਲ ਭਗੌੜੇ ਵਿਅਕਤੀ ਨੰੂ ਗਿ੍ਫ਼ਤਾਰ ਕਰਨ ਵਿਚ ਕਾਮਯਾਬੀ ਹਾਸਿਲ ਕੀਤੀ ਹੈ | ਇਸ ਵਿਅਕਤੀ ਨੰੂ ਅਦਾਲਤ ਨੇ ਭਗੌੜਾ ਕਰਾਰ ਦਿੱਤਾ ਸੀ | ਇਸ ਸੰਬੰਧੀ ਐਸ. ਐਚ. ਓ. ਜਗਦੀਸ਼ ਕੁਮਾਰ ਨੇ ਦੱਸਿਆ ਕਿ ਸਾਲ 2023 'ਚ ਪਿੰਡ ਘੋਹ ਵਿਖੇ ਕਤਲ ਹੋਇਆ ਸੀ | ਇਸ ਕਤਲ ਕੇਸ 'ਚ ਸ਼ਾਮਿਲ ਮੁੱਖ ਦੋਸ਼ੀ ਰਿੰਕੂ ਉਰਫ਼ ਮੋਹਿਤ ਭੱਜਣ ਵਿਚ ਕਾਮਯਾਬ ਹੋ ਗਿਆ ਸੀ | ਜਿਸ ਖ਼ਿਲਾਫ਼ ਥਾਣਾ ਸ਼ਾਹਪੁਰ ਕੰਢੀ ਵਿਖੇ 302, 307, 326, 324, 149, 199 ਤੇ ਆਈ. ਪੀ. ਸੀ. ਦੀਆਂ ਹੋਰ ਧਰਾਵਾਂ ਹੇਠ ਮਾਮਲਾ ਦਰਜ ਕੀਤਾ ਗਿਆ | ਦੋਸ਼ੀ ਦੇ ਕਾਬੂ ਨਾ ਆਉਣ ਕਾਰਨ ਅਦਾਲਤ ਨੇ 5 ਜੁਲਾਈ 2025 ਨੰੂ ਇਸ ਨੂੰ ਭਗੌੜਾ ਕਰਾਰ ਦੇ ਦਿੱਤਾ | ਹੁਣ ਪੁਲਿਸ ਨੰੂ ਸੂਚਨਾ ਮਿਲੀ ਕਿ ਦੋਸ਼ੀ ਪਿੰਡ ਕਾਹਨਪੁਰ ਆਇਆ ਹੈ | ਜਿਸ 'ਤੇ ਉਸ ਨੂੰ ਕਾਬੂ ਕਰ ਲਿਆ ਤੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |
