ਪਠਾਨਕੋਟ, 24 ਫਰਵਰੀ (ਵਿਨੋਦ/ਸੰਧੂ)-ਸੰਜੀਵ ਸ਼ਰਮਾ ਵਧੀਕ ਜ਼ਿਲ੍ਹਾ ਮੈਜਿਸਟਰੇਟ ਪਠਾਨਕੋਟ ਨੇ ਇਕ ਹੁਕਮ ਜਾਰੀ ਕਰਦਿਆਂ ਕਿਹਾ ਕਿ ਆਰ.ਐੱਸ.ਐੱਸ. ਚੀਫ਼ ਮੋਹਨ ਭਾਗਵਤ 24.02.2026 ਤੋਂ 26.02.2026 ਤੱਕ ਜ਼ਿਲ੍ਹਾ ਪਠਾਨਕੋਟ ਵਿਖੇ ਆਉਣਗੇ ਇਸ ਵਿਜ਼ਟ ਦੌਰਾਨ ਉਹ ਸੰਸਕਿ੍ਤੀ ਮੰਦਿਰ (ਆਰ.ਐੱਸ.ਐੱਸ. ਆਫ਼ਿਸ) ਪਠਾਨਕੋਟ ਵਿਖੇ ਠਹਿਰਨਗੇ | ਇਸ ਲਈ ਸੁਰੱਖਿਆ ਨੂੰ ਮੁੱਖ ਰੱਖਦੇ ਹੋਏ ਸੰਸਕਿ੍ਤੀ ਮੰਦਿਰ (ਆਰ.ਐੱਸ.ਐੱਸ. ਆਫ਼ਿਸ) ਤੇ ਉਸ ਦੇ ਆਲੇ-ਦੁਆਲੇ ਦੇ ਏਰੀਆ ਨੂੰ ਨੋ ਡਰੋਨ ਜ਼ੋਨ ਏਰੀਆ ਐਲਾਨ ਕੀਤਾ ਜਾਂਦਾ ਹੈ | ਉਨ੍ਹਾਂ ਪਾਬੰਦੀ ਦਾ ਹੁਕਮ ਜਾਰੀ ਕਰਦਿਆਂ ਕਿਹਾ ਕਿ ਮਿਤੀ 24.02.2026 ਤੋਂ 26.02.2026 ਤੱਕ ਸੰਸਕਿ੍ਤੀ ਮੰਦਿਰ (ਆਰ.ਐੱਸ.ਐੱਸ. ਆਫ਼ਿਸ) ਪਠਾਨਕੋਟ ਤੇ ਉਸ ਦੇ ਆਲੇ-ਦੁਆਲੇ ਦੇ 500 ਮੀਟਰ ਦੇ ਏਰੀਆ ਨੂੰ ਨੋ ਡਰੋਨ ਜ਼ੋਨ ਐਲਾਨ ਕਰਦਾ ਹਾਂ ਤੇ ਡਰੋਨ ਕੈਮਰਾ ਚਲਾਉਣ/ਉਡਾਉਣ 'ਤੇ ਪਾਬੰਦੀ ਲਗਾਉਂਦਾ ਹਾਂ |
